සබරගමුව විශ්වවිද්යාලයේ සිසුවෙකු නවක වදය හේතුවෙන් මිය යාම සම්බන්ධයෙන් අත්අඩංගුවට ගත් සිසුන් දස දෙනෙකු මැයි 29 වන දින දක්වා තවදුරටත් රක්ෂිත බන්ධනාගාර ගත කිරීමට බලංගොඩ මහේස්ත්රාත් අධිකරණය අද (16) නියෝග කළේය.
ඒ අද දින සැකකරුවන් බලංගොඩ මහේස්ත්රාත් අධිකරණයට ඉදිරිපත් කිරීමෙන් පසුය.
සබරගමු විශ්වවිද්යාලයේ අධ්යාපන විද්යා පීඨයේ දෙවැනි වසරේ අධ්යාපනය හදාරමින් සිටි චරිත් ඩිල්ෂාන් (23) නැමැති සිසුවා පසුගිය අප්රේල් 29 දින සිය දිවි නසාගෙන තිබුණේ නවක වදයෙන් ඇති වුන පීඩාව නිසා බව මූලික විමර්ශනවලදී අනාවරණය වී තිබිණි.
මැයි 01 වන දින මේ සිදුවීම සම්බන්ධව තවත් සිසුවෙකු විසින් සමනලවැව පොලිස් ස්ථානයට විධිමත් පැමිණිල්ලක් ගොනු කරන ලද අතර, ඩිල්ෂාන්ගේ සියදිවි නසා ගැනීම නවක වදය හේතුවෙන් සිදු වූ බවට එම පැමිණිල්ලෙන් චෝදනා ගොනු විය. .
පසුව, මැයි 02 වන දින, මෙම නවක වද සිද්ධිය සම්බන්ධව සිසුන් 20 දෙනෙකුගෙන් පොලිසිය ප්රකාශ සටහන් කර ගත්තේය.
අනතුරුව මැයි 03 වන දින, වැඩබලන පොලිස්පතිවරයා විසින් විමර්ශනය සම්පූර්ණ හා අපක්ෂපාතී පරීක්ෂණයක් සහතික කිරීම සඳහා අපරාධ පරීක්ෂණ දෙපාර්තමේන්තුවට භාර දෙන ලෙස නියෝග කළේය.
දැනට සිදුවෙමින් පවතින විමර්ශනයේ අනාවරණයන් මත පදනම්ව, සිසුන් 10 දෙනෙක් අත් අඩංගුවට පත් වූයේය. අධිකරණයට ඉදිරිපත් කළ මෙම පිරිස රක්ෂිත බන්ධනාගාරගත කෙරිනි.
දැනට රක්ෂිත බන්ධනාගාරගත කර සිටින සිසුන්ගෙන් හය දෙනෙකු මැයි 04 වන දින අත්අඩංගුවට ගන්නා ලද අතර, අනෙක් සිසුන් 04 දෙනා සමනලවැව පොලිසියට භාර වීමෙන් පසුව අත්අඩංගුවට ගන්නා ලදී.
