රිය අනතුරකින් මිය ගිය හිටපු රාජ්ය අමාත්ය සනත් නිශාන්ත ජීවත්ව සිටි කාලයේ දී ඔහුට රජයෙන් ලබා දී තිබූ බංගලාව වහාම භාර දෙන ලෙස ඔහුගේ බිරියවන නීතිඥ චමරි පෙරේරාට දිගින් දිගටම මග හරිමින් සිටින බව අධිකරණ රාජ්ය පරිපාලන, ස්වදේශ කටයුතු පළාත් සභා, පළාත් පාලන සහ කම්කරු අමාත්යාංශ ආරංචි මාර්ග සඳහන් කරයි.
මෙම නිල නිවස හැරෙන්නට හිටපු අමාත්යවරුන් පාවිච්චි කළ රජයේ නිල නිවාස සියල්ලම ඊයේ දිනයවන විට භාර දී තිබිණි. හිටපු විපක්ෂ නායකවරයෙක් මෙන්ම පාර්ලිමේන්තු මන්ත්රීවරයෙක් වූ ආර්.සම්පන්දන්ට ලබා දී තිබූ නිල නිවස අඟහරුවාදා (12) වනවිට භාර දෙන බව ඔහුගේ දියණිය විසින් දැනුම් දී ඇත.
එහෙත් සනත් නිශාන්තගේ බිරිය සනත් නිශාන්ත සඳහා ලබා දී තබූ නිල නිවස යළි භාර දීම දිගින් දිගටම ප්රතික්ෂේප කරමින් සිටින බව වාර්තා වේ. මේ තත්ත්වය සැලකිල්ලට ගෙන අදාල නිල නිවසේ විදුලිය හා ජල සැපයුම් විසන්ධි කර කිරීමට ඊයේ (08) කටයුතු කර තිබිණි. එමෙන්ම සනත් නිශාන්ත මිය ගිය දිනයේ සිට අඛණ්ඩව එම නිල නිවසේ රැඳී සිටින්නේ සනත් නිශාන්තගේ බිරිය සහ දරුවන් බවත්, නිවසට අදාල ගෙවල් කුලී හෝ ගෙවීමටහෝ සනත් නිශාන්තගේ බිරිය කටයුතු කර නැති බවත් වාර්තා වේ.
හිඟ ගෙවල් කුලිය ගෙවීමටත් සූදානම් නැතිව බලහත්කාරයෙන් නිවසේ රැඳී සිටින තත්ත්වයක් තුළ නිල නිවස නීත්යානුකූලව භාර ගැනීම කළ නොහැකිව ඇතැයි පවසන අමාත්යාංශ නිලධාරීන් නිල නිවස රජයට යළි පවරා ගැනීම සඳහා සිදුකරන ක්රියාවලියේ දී තමන්ට ප්රමාණවත් සහායක් සනත් නිශාන්තගේ බිරියගෙන් නොලැබෙන බවද පෙන්වා දෙයි. ( ලංකාදිප)
