දැනට අක්රියව පවතින දෙමළ ඊලම් විමුක්ති කොටි (එල්ටීටීඊ) ත්රස්ත සංවිධානයේ අණදෙන නිලධාරියා යැයි කියාගනිමින් එරට ආරක්ෂක බලධාරීන්ට සහ ශ්රී ලංකාවට පහර දෙන බවට තර්ජනය කරන පුද්ගලයෙකු සොයා මැලේසියානු පොලීස් මෙහෙයුම් ක්රියාත්මක බව එරට මාධ්ය වාර්තා කරයි.
මැලේසියාවේ පොලිස්පති (අයි.ජී.පී.) ටැන් ශ්රී අබ්දුල් හමීඩ් බඩෝර්ට වෙඩි තබන බවට ද ඔහු තර්ජනය කර ඇත.
බුකිට් අමන් පොලිස් මූලස්ථානයට සහ ආරක්ෂක අමාත්යාංශයට පහර දෙන බවට සැකකරු පවසා තිබේ.
බුකිට් අමන් අපරාධ විමර්ශන දෙපාර්තමේන්තුවේ අධ්යක්ෂ ඩතුක් හුසීර් මොහොමඩ් පැවසුවේ සැකකරු විද්යුත් තැපෑලෙන් තර්ජන මාධ්ය වෙත යවා ඇති බවයි.
මීට අදාළව දණ්ඩ නීති සංග්රහයේ 507 වන වගන්තිය සහ සන්නිවේදන හා බහුමාධ්ය පනතේ (ඒකේඑම්) 1998 හි 233 වන වගන්තිය යටතේ විමර්ශන ගොනු දෙකක් පොලීසිය විසින් විවෘත කර තිබේ.
සැකකරු මීට පෙර දේශද්රෝහී පනත 1948, 4 (1) වගන්තිය යටතේ විමර්ශනය කරන ලද යැං ඩි-පර්ටුවාන් අගොං (අල්-සුල්තාන් අබ්දුල්ලා රියාතුදින් අල් මුස්තාපා බිල්ලා ෂා) ට එරෙහිව අපහාසාත්මක ප්රකාශයක් කළ බවට වාර්තා වූ පුද්ගලයාම ය.
මෙම පුද්ගලයා මානසිකව ස්ථාවර තත්ත්වයක නොසිටි බවට සැක කරන නමුත් පොලිසිය තවමත් නඩුව විභාග කරන බව හුසීර් පැවසීය.
ඊයේ හාරියන් මෙට්රෝ පුවත් සේවය වෙත ඊමේල් මගින් ඔහු තර්ජන යවා ඇති බව වාර්තා කළ අතර, ඔහු දැන් අක්රීයව පවතින දෙමළ ඊලාම් විමුක්ති කොටි (එල්ටීටීඊ) 2.0 හි දෙවන සංස්කරණයේ අණදෙන නිලධාරියා බව කියා සිටී.
