නාරාහේන්පිට පොලිස් රෝහලේ අධ්යක්ෂ ජේෂ්ඨ පොලිස් අධිකාරි මදාරා ආරියසේන වහාම ක්රියාත්මක වන පරිදි මාරු කර ඇත.
රජයේ ප්රබල දේශපාලකයකුගේ පුත්රයකු ඇතුළු වෛද්යවරුන් කිහිපදෙනෙකුට පොලිස් රෝහලේ සේවය කිරීමේ කොන්ත්රාත් දීර්ඝ නොකිරීම හේතුවෙන් මෙම මාරුව සිදු වූ බව පොලිස් අභ්යන්තර ආරංචි මාර්ග සඳහන් කරයි.
එම වෛද්යවරුන් තම රාජකාරි කටයුතු නිසි අයුරින් සිදු නොකිරීම හේතුවෙන් ඔවුන්ට පොලිස් රෝහලේ කොන්ත්රාත් පදනම මත වන සේවා දිගුව දීර්ඝ නොකිරීමට තීරණය කර ඇති මෙම අධ්යක්ෂවරිය ඊට හේතු ලෙස දක්වා ඇත්තේ පසුගිය කාලය තුළ ඔවුන්ගේ අසතුටුදායක රාජකාරි මට්ටම බවය.
කෙසේ වුවද මෙම වෛද්යවරුන් යළි පොලිස් රෝහලෙහිම රඳවා ගැනීම සඳහා ඇය මේ අයුරින් මාරු කර ඇති බව වාර්තා වන අතර වෛද්ය වෘත්තියට අදාළ අධ්යක්ෂකවරයකු පොලිස් රෝහලට පත්කර ගැනීමට සැලසුමක් මේ වන විට දියත් වී ඇතැයි වාර්තා වේ.
දැනට පොලිස් රෝහලේ නියෝජ්ය අධ්යක්ෂ වරයා එහි ප්රධානියා ලෙස පත් කර ඇත.
මෙයත් කියවන්න…
ඇමති පුතෙකුට නොසැලකූ පොලිස් රෝහලේ අධ්යක්ෂට ස්ථාන මාරුවක් ලෑස්තියි!
