බස්නාහිර පළාතේ වාහන සඳහා දඩ අය කිරීමකින් තොරව වාහන ආදායම් බලපත්ර නිකුත් කිරීමේ සහන කාලයක් ලබා දීමට තීරණය කර ඇත.
වාහන ආදායම් බලපත්ර නිකුත් කරන පරිගණක පද්ධතියේ බිද වැටීම් හේතුවෙන් බස්නාහිර පළාතේ මහජනතාවට වාහන ආදායම් බලපත්ර ලබා ගැනීමට මෙලෙස සහන කාලයක් ලබා දී තිබේ.
තොරතුරු හා සන්නිවේදන තාක්ෂණික නියෝජිතායතනය පද්ධති පරිපාලකත්වය දරණ , වාහන ආදායම් බලපත්ර නිකුත් කරන පරිගණක පද්ධතියේ ධාරිතාව ඉක්මවා ඇති බැවින් මේ දිනවල එම පරිගණක පද්ධතිය වරින් වර බිද වැටීම සිදුවන බව බස්නාහිර පළාත් සභාව දන්වා සිටී.
ඒ හේතුවෙන් වාහන ආදායම් බලපත්ර නිකුත් කිරීමේ යම් ප්රමාදයක් සිදු වුවද පරිගණක පද්ධතිය ක්රියාත්මක වන සැම අවස්ථාවකදීම මහජනතාවට ආදායම් බලපත්ර නිකුත් කිරීමට කටයුතු කරනු ලබන බව ද දැනුම් දෙයි.
කෙසේවෙතත් ඉදිරියේදී තොරතුරු හා සන්නිවේදන තාක්ෂණික නියෝජිතායතනය විසින් පරිගණක පද්ධතිය යථාවත් කිරීමට විධිමත් ක්රියාමාර්ග ගන්නා තෙක් මහජනතාවට සිදු වන අපහසුතාවයන් වැලැක්වීම සදහා , 2021.08.12 සිට 2021.10.31 දක්වා ආදායම් බලපත්ර කල් ඉකුත්වන බස්නාහිර පළාතේ වාහන සඳහා 2021.11.30 දින දක්වා දඩ අය කිරීමකින් තොරව වාහන ආදායම් බලපත්ර නිකුත් කිරීමේ සහන කාලයක් ලබා දීමට තීරණය කර ඇත.
