වෘත්තීය සමිති ආඥා පනත උල්ලංඝනය කිරීම මත රජයට එරෙහිව ශ්රේෂ්ඨාධිකරණයට යන බව රාජ්ය සහ පළාත් රාජ්ය සේවා වෘත්තිය සමිති සම්මේලනයේ ප්රධාන ලේකම් අජිත් කේ තිලකරත්න පවසයි.
මහනුවරදී අද (10) දින පැවති මාධ්ය හමුවකදී හෙතෙම සඳහන් කළේ වැඩ වර්ජනයට සම්බන්ධ නොවූ රාජ්ය සේවකයන් උදෙසා වැටුප් වැඩි කිරීමක් හා ප්රශංසා ලිපි නිකුත් කිරීම වෘත්තීය සමිති ආඥා පනත බරපතල ආකාරයේ උල්ලංඝනය කිරීමක් බවය.
තවදුරටත් අදහස් පළ කළ හෙතෙම මෙසේද කීය.
“අපි වෘත්තිය සමිති 200 කට අධික නියෝජනය කරන පිරිසක් 08 හා 09 දෙදින අසනීප නිවාඩු දමා සේවයෙන් බැහැරව සිටියේ විනෝදයට නෙවෙයි. විධායක හා පරිපාලන සේවයේ නිලධාරීන්ට ලබා දුන් රුපියල් 25.000 ක් සෙසු රාජ්ය නිලධාරීන් සඳහාද ලබා දෙන ලෙස රජයට බල කරන්නයි. විධායක හා පරිපාලන නිලධාරීන්ගේ වැටුප් වැඩි කිරීම සඳහා එක දවසින් චක්රලේඛය නිකුත් කරපු මුදල් අමාත්යාංශයේ ලේකම් මහින්ද සිරිවර්ධන මේ රාජ්ය සේවකයන්ගේ වැටුප් වැඩි කරන්න නම් සියයට 18 වන වැට් බද්ද සියයට 21 දක්වා ඉහළ දාන්න වෙනවා කියලා කියනවා. එතකොට ජනාධිපති වැය ශීර්ෂය සඳහා පරිපූරක ඇස්තමේන්තුවක් දාලා රුපියල් කෝටි 80 වෙන් කරනකොට වැඩ් බදු වැඩි කරන්න අවශ්ය වුණේ නැද්ද කියලා අපි අහනවා.”
