මනම්පිටිය නිමල් ජයරත්න –
වන සංරක්ෂණ දෙපාර්තමේන්තුවට අයත් ඉඩමක් පිළිබඳ අම්පාර මහේස්ත්රාත් අධිකරණයෙන් ලබාදුන් තීන්දුව කඩ කරමින් මඩකලපුව මංගලගම පොලිස් ස්ථානාධිපතිවරයා එම ඉඩම තුන්වන පාර්ශ්වයකට ලබාදීම පිළිබඳ විමසීමට යෑමේදී තමාට බලපෑම් කර මරණීය තර්ජන එල්ල කර බවට මඩකලපුව මංගලාරාමාධිපති අම්පිටියේ සුමනරතන හිමියෝ අද (10 ) මාධ්ය සාකච්ඡාවක් පවත්වමින් සඳහන් කළහ.
තමාගේ ජීවිතයට මේ වනවිට බරපතළ අයුරින් මරණ තර්ජන එල්ල වන බවත්. මේ පිළිබඳ තමන් ලිඛිතව මහජන ආරක්ෂාව පිළිබඳ අමාත්යවරයා මෙන්ම සියලු ආරක්ෂක බලධාරීන් දැනුවත් කර තිබෙන බවත්. තමාගේ ජීවිතයට යම් හානියක් සිදුවුවහොත් මඩකලපුව මංගලගම පොලිස් ස්ථානාධිපතිවරයා වගකිවයුතු බවත්. අද උන්වහන්සේ ප්රකාශ කළහ.
2023 වසරේ පෙබරවාරි 12 වෙනිදා තමාට වෙඩි තැබීම සම්බන්ධව මංගලගම පොලිසිය සම්බන්ධයක් ඇති බවට සැක කරන බවත්. එම පරීක්ෂණ කටයුතුද මේ වනවිට යටපත් කර ඇති බත්ද සුමනරතන නාහිමියෝ මෙහිදී වැඩිදුරටත් කීහ.
මෙම මාධ්ය හමුවේදී වැඩිදුරටත් අදහස් දැක්වූ අම්පිටියේ සුමනරත්න නාහිමියෝ මෙසේද සඳහන් කළහ.
” මඩකලපුව දිස්ත්රික්කය ගත්තොත්. රාජ්ය පරිපාලන ආයතන දෙමළ. මුස්ලිම් . අය වෙනුවෙන් කටයුතු කරන්නේ. මංගලගම පොලිස් ස්ථානයත් අපට සිදුවන හැම අසාධාරණයක්ම යටපත් කරනවා. අපි වැරදිකරුවන් ලෙස හුවා දක්වන්න නිතරම අපිව අධිකරණයට ඉදිරිපත් කිරීමට කටයුතු කරනවා.”
“මංගලගම පොලිස් ස්ථානාධිපතිතුමා අධිකරණ තීන්දු වලට පටහැනිව ක්රියා කරනවා. මේ ප්රදේශයේ ජනතාවගේ අයිතීන් පිළිබඳ කතා කරද්දි. 2023 පෙබරවාරි 12 වෙනිදා මට වෙඩි තියනවා. මට වෙඩි තියන්න ප්රධාන වශයෙන් මම සැක කරන්නේ මංගලගම පොලිසිය. මේ වෙනකන් ඒ ගැන කිසිම පරීක්ෂණයක් නෑ. මට තිබුණු ආරක්ෂාවත් අයින් කළා.
අම්පාර මහේස්ත්රාත් අධිකරණයෙන් මංගලගම පොලිසියට තීන්දුවක් දෙනවා යම් ඉඩමක් සම්බන්ධව. ඒ ඉඩමට කිසිම කෙනෙක් ඇතුළත් වෙන්න එපා කියලා තීන්දුව දෙන්නේ. ඒ තීන්දුව මංගලගම පොලිසිය බාරගන්නවා. බාර අරන් මේ ඉඩම වනසංරක්ෂණ දෙපාර්තමේන්තුවට පවරනවා. පවරලා ඒ ඉඩමේ අයිතිය තුන්වන පාර්ශ්වයටත් ලබාදීමට පොලිසිය කටයුතු කරනවා.
මම ඒකට එරෙහි වුණා. වන සංරක්ෂණයට අයිති ඉඩම ඇයි තුන්වන පාර්ශ්වයකට ලබාදෙන්නේ කියලා මම විමසද්දී මට දැඩි ලෙස මංගලගම පොලිස් ස්ථානාධිපතිවරයා තර්ජනය කළා. ඒ වගේම ප්රාදේශීය ලේකම්වරියගෙන් ඉඩම් නිලධාරීන්ගෙන් ග්රාම නිලධාරීගෙන් මේ ගැන ප්රශ්න කරද්දි ඒ සියලු දෙනාම නිහඩව තවදුරටත් සිටිනවා. මේ සම්බන්ධ මම මංගලගම පොලිසියේ පැමිණිලි තුනක් දාලා තියෙනවා. එකදු පැමිණිල්ලක්වත් විභාග කරල නැහැ. මාව මරනවා හිරේ දානවා කියලා මට තර්ජනය කරනවා.
හැබැයි අධිකරණ තීන්දු කඩ කරන මංගලගම පොලිස් ස්ථානාධිපතිවරයාට විරුද්ධව කිසිම පියවරක් නොගන්න නිසා මම තීරණය කළා මේ රටේ මාධ්ය ආයතනවල පිහිට පතන්න. නැගෙනහිර පළාතේ ජනතාවට සිදුවන අසාධාරණකම් කියන්න තියෙන්නේ මේ රටේ මාධ්ය ආයතන පමණයි. මම හිතනවා මේවා අහලා බලධාරීන්ගේ ඇස් ඇරෙයි කියලා. මංගලගම පොලිස් ස්ථානාධිපතිගේ ක්රියාකලාපය පිළිබඳ මම නැගෙනහිර පළාතේ ජ්යෙෂ්ඨ නියෝජ්ය පොලිස්පති අජිත් රෝහණ මහතාටත් දැනුම් දී තිබෙනවා. මම විශ්වාස කරනවා එතුමාවත් මේ පිළිබඳ පරීක්ෂණයක් සිදුකරයි කියලා. අම්පිටියේ සුමනරතන නාහිමියන් වැඩිදුරටත් පැවසූහ.
රනිල් වික්රමසිංහ ජනාධිපතිවරයා පසුගිය 25 වෙනිදා මඩකලපුවට ඇවිල්ලා ආයතන පහළොවකට ගියා. හැබැයි එක පන්සලකටවත් ආවෙ නෑ..එතුමා මුණගැහෙන්න එතුමාගේ ලේකම්වරු මට ඉඩ දුන්නෙත් නෑ. හැම ජනාධිපතිවරයෙක්ම හිතන්නේ උතුරු නැගෙනහිර පළාතේ දෙමළ. මුස්ලිම් ඡන්ද පමණයි. සිංහල ජනතාවගේ ප්රශ්න ගැටලු ගැන කිසිම කෙනෙක් කතා කරන්නේ නැහැ. මහින්ද රාජපක්ෂ මහතත් ඔය ටික කෙළේ. මෛත්රිපාල සිරිසේනත් එහෙමයි. ගෝඨාභය රාජපක්ෂත් ඔය ටිකම තමයි කළේ. මේක කරන්නේ අපේ නිලධාරියෙක්. දේශපාලනඥයෙක්. මඩකලපුවේ නැති නිසයි.
ප්රාදේශීය ලේකම්වරයෙක් නෑ. දිසාපතිවරයෙක් නෑ.වෙන වගකිය යුත්තෙක් නෑ. ඒක නිසා තමයි මේ පළාතේ සිංහල ජනතාවට අසාධාරණකම් වෙන්නේ. මේ වෙනකොට සිංහල ජනතාවගේ ඉඩම් අක්කර 3000 ක් දිවුලපතානේ දමිල ජනතාවගේ ගවයන් ඇති කරන්න දීලා. මේ පැත්තෙන් තවත් ඉඩම් අල්ලනවා. ඉතිං අපිට මේවා කියන්න තියෙන්නේ මාධ්ය ආයතන පමණයි. වෙන කිසිවෙක් නැහැ”. අම්පිටියේ සුමනරත්න හිමි වැඩිදුරටත් සඳහන් කළහ.
