ලලිත් චාමින්ද –
ලංකා විදුලිබල මණ්ඩලය මේ වනවිට අධික ලාභයක් ලබන බවත් ඒ නිසා විදුලි බිල සියයට 30කින් පමණ අඩු කළ හැකි බවත් ලංකා විදුලිබල මණ්ඩල ශ්රි ලංකා නිදහස් සේවක සංගමයේ ප්රධාන ලේකම් ඩබ්ලිව්.ඒ සි. ප්රභාත් පවසයි.
මේ වනවිට සියයට 80ක් පමණ ජලයෙන් විදුලිය නිෂ්පාදනය කරනබවත් ලක්ෂපාන වැනි විදුලිබලාගාරයක ජලවිදුලි ඒකකයක් නිෂ්පාදනය කිරිමට වැය වන්නේ රුපියල් 1.85ක් හා 2.50 අතර මුදලක් බවත් හෙතෙම පවසයි. ඔහු මේ පිළිබද අදහස් දක්වමින් මෙසේද කීවේය.
“විදුලිබල මණ්ඩලය නිවරදි ප්රතිව්යවහගත කිරිමට අපේ විරෝධයක් නැහැ. නමුත් මෙම වචනය ඉස්සරහට දා ගෙන ආයතනය විකිණිමට තමයි අපේ විරෝධය. විදුලිබල පනත ආපසු හකුලා ගන්න ඕන. විදුලිබල මණ්ඩලය පාඩු ලැබුවේ ඇයි. 2014 නොරොච්චොලේ බලාගාරය විවෘත කිරිමත් සමග විදුලිබිල සියයට 25කින් අඩු කළා. ඒ අවස්ථාවේ විදුලිබිල අඩුකිරිමට හැකියාවක් තිබුණේ නැහැ. නමුත් දේශපාලන තීන්දුවක් අරගෙන තමයි විදුලිබිල අඩු කළේ.
නිෂ්පාදන වියදමට වඩා අඩුවෙන් තමයි විදුලිය අලෙවි කළේ. මේ වනවිට විදුලිබල මණ්ඩලය අධික ලාභයක් ලබනවා. මේ නිසා සියයට 30කින් විතර විදුලිබිල අඩුකිරිමේ හැකියාවක් විදුලිබල මණ්ඩලයට තියෙනවා.
විදුලිබල මණ්ඩලය ලාභ ලබන තත්වයට පත්කරලා තමයි විකිණිමට හදන්නේ. මේ ආයතනය විකිණිමට කිසිදු අවශ්යතාවයක් නැහැ මේ අවස්ථාවේ. ආයතනයේ යම් යම් තැන්වල නාස්තිය දුෂණය ඇති. නමුත් සියයට එකක් විතර තමයි එහෙම ඇත්තේ. සේවකයින් වැඩිනම් අඩුකරගන්න. අකර්යක්ෂම සේවකයින් ඉන්නවානම් ඉවත් කරන්න. ඒ ගැන කිසි ගැටලුවක් නැහැ. ලාභ ලබන විදුලිබල මණ්ඩලය විකිණිම අවශ්ය නැහැ.
ප්රතිව්යුගත කිරිමේ වචනය එළියට දාගෙන කරන කුමන්ත්රණයක් තමයි මේ කරන්නේ. යැයි හෙතෙම පවසයි
