රුසියාවේ ‘එරෝෆ්ලෝට්’ ගුවන් සමාගම මොස්කව් හා කොළඹ අතර අද සිට සෘජු ගුවන් ගමන් ආරම්භ කරන බව සිවිල් ගුවන් සේවා අමාත්යංශයේ ප්රකාශකයෙකු සඳහන් කරයි. බ්රහස්පතින්දා හා ඉරිදා දෙදින සතියට දින දෙකක් වශයෙන් ගුවන් ගමන් ක්රියාත්මක කිරීමට නියමිතය.
මීට අමතරව නොවැම්බර් මාසයේ සිට ‘අසූර් එයාර්’ නැමැති රුසියානු ගුවන් සේවාව සතියට ගුවන් ගමන් වාර හතරක් ක්රියාත්මක කිරීමට ද රුසියාව අවසර ලබා දි ඇති බව එම ප්රකාශකයා පවසා තිබේ.
‘එරෝෆ්ලෝට්’ ගුවන් යානයක් ශ්රී ලංකාවෙන් පිටවීම වලකාලමින් කොළඹ වාණිජ මහාධිකරණය වාරණ නියෝගයක් නිකුත් කිරීමෙන් අනතුරුව ගුවන් සමාගමේ, ගුවන් යානා ශ්රී ලංකාවට බාධාවකින් තොරව පියාසර කිරීමට ලැබී ඇති සහතිකවල අවිශ්වාසනීයත්වය හේතුවෙන් මේ වසරේ ජූනි මාසයේ සිට රුසියාව, ශ්රී ලංකාවට වාණිජ ගුවන් ගමන් අත්හිටුවන ලදී.
රුසියාවේ ශ්රී ලංකා තානාපතිනි මහාචාර්ය ජනිතා ලියනගේ, රුසියාවේ ෆෙඩරල් ගුවන් ප්රවාහන ඒජන්සියේ නියෝජ්ය ප්රධානි ව්ලැඩ්මීර් පොටෙෂ්කින් සමඟ පැවැත්වූ සාකච්ඡාවලින් පසුව කොළඹට එරෝෆ්ලෝට් ගුවන් ගමන් නැවත ආරම්භ කිරීම තහවුරු විය.
