එක්සත් ජාතීන්ගේ සංවිධානයේදී රුසියාවට එරෙහිව ඉදිරිපත් වූ යෝජනාව ඡන්දය ප්රකාශ කිරීමෙන් වැලකී සිටි පාකිස්ථනය ජම්මු කාෂ්මීරය සම්බන්ධයෙන් වූ අර්බදයේදී ස්ව්යංව ස්වාධීන බලප්රදේශයක් බවට නම් කිරීමට සම්බන්ධයෙන් කතා කිරීම ඉන්දියාවේ දැඩි විවේචනයට හේතු වී තිබේ.
ඒ අනුව පාකිස්ථානයේ ප්රකාශය සම්බන්ධයනේ එක්සත් ජාතීන්ගේ සංවිධානයේ ඉන්දීය තානාපතිනිය වන රුචිරා කාම්බෝජ් විසින් පැහැදිලි කිරීමක් සිදුකර තිබේ. එහිදී ඇය විසින් අදාල අර්බුදය සම්බන්ධයේ ඉන්දීය මතය ජාත්යන්තර ප්රජාව ඉදිරියේදී ගෙන හැර දැක්වීමටද ඇය සමත්ව ඇත.
එහිදී තානාපතිනිය පෙන්වා දී ඇත්තේ ජම්මු කාෂ්මීරය ඉන්දියාවේ වැදගත්ම භුමි ප්රදේශයක් බවත් කිසිම අයුරකින් එම කළාපය තනි කිරීමට ඉන්දියාව සූදානම් නොමැති බවයි. මෙහිදී තානපතිනිය විසින් පාකිස්ථානයෙන් විශේෂ ඉල්ලීමක්ද කර ඇති. එහිදී ඇය ඉල්ලා ඇත්තේ පාකිස්ථානය විසින් එරට සිට ජම්මු කාෂ්මීර ප්රදේශය වෙතට බලපෑම් කරන ත්රස්තවාදී ක්රියාවන් වැලැක්වීමට පියවර ගන්නා ලෙසයි.
‟ මෙහිදී අපිට යලිත් වරක් මෙම උත්තරීතර මණ්ඩලයේදී තානපති නිලධාරියෙකු විසින් එය නොමඟ යැවීමටත් එමගින් අපේ රට සම්බන්ධයෙන් වැරදි චිත්රයක් නිර්මාණය කිරීමට උත්සහ කළ ආකාරය දැක ගැනීමට ලැබුනා. මෙවැනි ප්රකාශ වලට අපෙක් සාමූහික හෙළා දැකීමත් අනුකම්පාවත් දැක්විය යුතුයි.” යනුවෙන් තානාපතිනිී කාම්බෝජ් ප්රකාශ කර තිබේ.
‟පාකිස්ථානය විසින් ජම්මු කාෂ්මීරය සම්බන්ධයෙන් කුමන අකාරයෙක් මතයක් දැරුවත් එය සෑම විටම ඉන්දියාවේ කොටසක්ව සහ ඉන්දියාවට ඉතාම වැදගත් භූමියක්ව පැවතියා. එය ඉදිරියටත් එලෙසම පවතිනු ඇත.” යනුවෙන්ද ඇය එහිදී ප්රකාශ කර තිබිනි.
