රුසියානු සමූහාණ්ඩුවේ ප්රමුඛ පෙළේ පෞද්ගලික ගුවන් සමාගමක් වන Red Wings හෙට 28 දින සිට ශ්රී ලංකාවේ මත්තල ජාත්යන්තර ගුවන් තොටුපළ වෙත වෙන් කරන ලද ගුවන් යානාවලින් ගුවන් ගමන් ආරම්භ කරන බව රුසියාවේ මොස්කව් නුවර ශ්රී ලංකා තානාපති කාර්යාලය නිවේදනය කරයි.
ශ්රී ලංකාවට සෘජු ගුවන් ගමන් සේවා සපයන තුන්වන රුසියානු ගුවන් සමාගම මෙය බව ශ්රී ලංකා තානාපති කාර්යාලය කියයි.
2022 දෙසැම්බර් 26 වැනි දින රුසියානු සමූහාණ්ඩුවේ ශ්රී ලංකා තානාපති මහාචාර්ය ජනිතා ඒ ලියනගේ ඇතුළු කණ්ඩායමක් Red Wings හි වාණිජ අධ්යක්ෂ ඉගෝර් ට්රෙටියාකොව් සහ විශ්ලේෂණ අංශයේ ප්රධානී මරීනා බුසිනා හමුවී මේ සම්බන්ධව අවසන් විධිවිධාන සාකච්ඡා කර ඇත.
මුලදී Red Wings විසින් රුසියාවේ ප්රමුඛ පෙළේ සංචාරක ක්රියාකරුවන් සමඟ එක්ව සතියකට දෙවරක් ශ්රී ලංකාවට වෙන් කරන ලද ගුවන් යානා වලින් ක්රියාත්මක කරනු ඇති අතර, ඉන් අනතුරුව නිත්ය ගුවන් ගමන් ක්රියාත්මක කිරීමට සාකච්ඡා කෙරෙමින් පවතී.
මෙම අසීරු අවස්ථාවේදී රුසියානු සමූහාණ්ඩුව ශ්රී ලංකාවට වැදගත් සංචාරක ප්රවාහන මූලාශ්රයක් ලෙස සැලකිය හැකි බැවින්, රටේ සංචාරක කර්මාන්තය පුනර්ජීවනය කිරීම සඳහා රෙඩ් වින්ඩ්ස් ගුවන් මෙහෙයුම් ඉතා වැදගත් වනු ඇති බව තානාපති කාර්යාලයේ අදහසයි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
