යුක්රේන යුද්ධය සම්බන්ධයෙන් සහ රුසියාව විසින් න්යෂ්ටික අවි භාවිතා කිරීමේ තර්ජනයක් එල්ල කිරීම සම්බන්ධයෙන් ඉන්දීය අග්රාමත්ය නරේනද්ර මෝදි විසින් ″මේ යුද්ධයක යුගයක් නොවේ″ යනුවෙන් කළ ප්රකාශය විශාල බලපෑමක් එල්ල කිරීමට සමත්වූ බව ඇමරිකාවේ සී.අයි.ඒ. සංවිධානයේ අධ්යක්ෂ විලියම් ජේ බර්න්ස් ප්රකාශ කළේය.
බර්න්ස් විසින් මේ බව ප්රකාශ කර ඇත්තේ ඇමරිකා එක්සත් ජනපදයේ ප්රමුඛ මාධ්ය ආයතනයක් සමඟ පැවති මාධ්ය සාකච්ඡාවකට එක්වූ අවස්ථාවේදීය. එහිදී ඔහු ප්රකාශ කර ඇත්තේ ඉන්දීය අග්රාමත්යවරයාගේ හඬ ඉතා ප්රභල බලපෑමක් සිදුකිරීමට සමත්ව ඇති බවයි.
“අපි ඉතා පැහැදිලිව ප්රකාශ කර තිබෙනවා, විශේෂයෙන්ම එක්සත් ජනපද ජනාධිපතිවරයා රුසියානුවන්ට න්යෂ්ටික අවි භාවිතයේ බරපතල අවදානම් මොනවාදැයි ඉතා පැහැදිලිව පෙන්වා දී තිබෙනවා. ඉන්දියාවේ අගමැති මෝදි ද න්යෂ්ටික අවි භාවිතය පිළිබඳ ඔවුන්ගේ කනස්සල්ල මතු කර තිබීම ද ඉතා ප්රයෝජනවත් යැයි මම සිතමි. මම හිතන්නේ එය රුසියානුවන්ට ද බලපෑමක් ඇති කරලා තිබෙනවා, ” යනුවෙන් ඔහු පැවසීය.
සී.අයි.ඒ ආයතනයේ ප්රධානියාගේ ප්රකාශයන් සැලකෙන්නේ රුසියාව විසින් යුක්රේනය ආක්රමණය කිරීම සම්බන්ධයෙන් ඉන්දියාවේ ප්රවේශමෙන් සහ ඉතා විදිමත්ව කටයුතු කරන ලද ආකාරයත් ඒ සම්බන්ධයෙන් දරන ලද ස්ථාවරය අනුමත කිරීමක් ලෙස ය.
සැප්තැම්බරයේ, උස්බෙකිස්තානයේ සමර්කන්ඩ් හි පැවති SCO සමුළුවට සමගාමීව, මෝඩි පුටින්ට පැවසුවේ මෙය “යුද්ධයේ යුගයක් නොවන” බවයි – මෙය පසුගිය මාසයේ G20 සමුළුවේ බාලි ප්රකාශයෙන් ද පිළිබිඹු විය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
ඉන්දියාව මෙම අවස්ථාවේදී බටහිර රාජ්යන් සමග සිය සුහදත්වය පවත්වාගෙන යමින් කටයුතු කිරීම ඉන්දියාව සිය ජාත්යන්තර සම්බන්ධතා පවත්වාගෙන යාමට දක්වන දක්ෂතාවය පෙන්නුම් කිරීමට කදිම නිදසුනකි.
