පළාත් පාලන මැතිවරණය සඳහා බැදුම්කර භාර ගැනීමෙන් වළකින ලෙස දිස්ත්රික් ලේකම්වරුන්ට සහ තේරීම්භාර නිලධාරීන්ට නියෝග කරමින් ලිපියක් නිකුත් කිරීම සම්බන්ධයෙන් ශ්රී ලංකා රාජ්ය පරිපාලන සහ ස්වදේශ කටයුතු ලේකම් නීල් බණ්ඩාර හපුහින්න ජාතික මැතිවරණ කොමිෂන් සභාවෙන් සමාව ඉල්ලා තිබේ.
මැතිවරණ කොමසාරිස් ජනරාල් සමන් ශ්රී රත්නායක News 1st නාලිකාව වෙත ප්රකාශයක් කරමින් පවසා ඇත්තේ එම ලිපිය සම්බන්ධයෙන් කරුණු විමසීම සඳහා රාජ්ය පරිපාලන ලේකම්වරයා මැතිවරණ කොමිසමට කැඳවූ බවය.
රාජ්ය පරිපාලන ලේකම් නීල් බණ්ඩාර හපුහින්න මැතිවරණ කොමිෂන් සභාවට ප්රකාශ කර ඇත්තේ කැබිනට් තීරණයකට අනුව සහ තමාට පැවරී ඇති බලතල අනුව මෙම ලිපිය නිකුත් කළ බවත්, එය නුසුදුසු බව වැටහුණු පසු ලිපිය යවා පැයක් ඇතුළත නැවත කැඳවීමට තීරණය කළ බවත්ය.
මැතිවරණ කොමිසමේ ක්රියාවලියට ඇඟිලි ගැසීමට තමාට කිසිදු අදහසක් නොමැති බව පවසා ඇති ඔහු කැබිනට් තීරණයක් පමණක් ක්රියාත්මක කළ බව වැඩිදුරටත් සඳහන් කර ඇත.
ලිපිය යවා පැයක් ඇතුළත එය යළි කැඳවීමට තමන් තීරණය කළ බැවින් බැඳුම්කර භාර ගැනීමේ ක්රියාවලියට කිසිදු බලපෑමක් සිදු නොවූ බව ලේකම්වරයා පෙන්වා දී ඇත. ඔහු කියා ඇත්තේ පසුදා දේශපාලන පක්ෂ සහ කණ්ඩායම් 131ක් බැඳුම්කර තැබූ විට එය වඩාත් පැහැදිලි වූ බවය.
මේ කරුණු දැක්විමෙන් අනතුරුව එම ලිපිය හේතුවෙන් යම් අපහසුතාවයක් සිදුවීම පිළිබඳව රාජ්ය පරිපාලන ලේකම් නීල් බණ්ඩාර හපුහින්න ජාතික මැතිවරණ කොමිසමෙන් සමාව අයැද ඇත.
රාජ්ය පරිපාලන ලේකම්වරයා යැවූ ලියුම…
