රඹුක්කන පොලිස් ස්ථානයේ පොලිස් නිලධාරීන් විසින් යොදා තිබූ මාර්ග බාධකය අසල දී අණ නොතකා ධාවනය වූ යතුරුපැදියකට පොලීසියෙන් වෙඩි තබා තිබේ.
රඹුක්කන පොලිස් බලප්රදේශයට අයත් බෝලගම, කොටගම හන්දියේ දී මෙම මාර්ග බාධකය යොදා තිබිණී.
අද (14) අලුයම 3.15ට පමණ අදාළ සිද්ධිය සිදුව තිබූ අතර යතුරුපැදියේ ගමන් ගත් හිරිවඩුන්න රඹුක්කන පදිංචි පුද්ගලයෙක් තුවාලකරු ප්රතිකාර සඳහා කෑගල්ල ශික්ෂණ රෝහලේ හදිසි ප්රතිකාර ඒකකය වෙත ඇතුළත් කර තිබේ.
පොලීසිය සඳහන් කළේ, වෙඩිතැබීමෙන් යතුරුපැදියේ ගමන්ගත් පුද්ගලයාගේ වම් අතට සහ වම් පාදයට තුවාල සිදුව ඇති බවය.
