සීනි මෙට්රික් ටොන් 23696ක් සහ එතනෝල් ලීටර 23,50,000ක් අලෙවි කරගත නොහැකිව රජයේ සීනි සමාගම් දෙකෙහි පවතින බව කර්මාන්ත සහ ව්යවසායකත්ව සංවර්ධන අමාත්ය සුනිල් හඳුන්නෙත්ති අද (06) පාර්ලිමේන්තුවේ දී පැවසුවේය.
රජයේ සමාගම් සතුව ඇති සීනි අස්වැන්න අලෙවි කිරීමට සකස් කර ඇති වෙළෙඳපල සැලැස්ම අනුව සීනි කිලෝවක් රුපියල් 200 + වැට් මිලට අලෙවි කරන අතර එතනොල් ලීටර්යක් රුපියල් 800ට අලෙවි කරන බව ප්රකාශ කළේය.
එතනෝල් ආනයනය කිරීම තහනම් කරන බව ද ඇමතිවරයා ප්රකාශ කළේය. සියලුම මත්පැන් නිශ්පාදන ආයතනවලට රුපියල් 800ක මිලට එතනෝල් ලීටරය ගන්නා ලෙස දැනුම් දී ඇති බව කී ඇමතිවරයා එක් එතනෝල් ලීටරයකින් මත්පැන් බෝතල් 03ක් නිශ්පාදනය කළ හැකි බවත්, ලීටරය 1500ට තිබෙද්දීත් අරක්කු මිල ඉහළ ගියේ නැති බවත් ඇමතිවරයා පෙන්වා දුන්නේය.
