ප්රකාශයක් සටහන් කරගැනීම සඳහා දයාසිරි ජයසේකර මන්ත්රීවරයා අද අපරාධ පරීක්ෂණ දෙපාර්තමේන්තුව වෙත කැඳවා තිබිණි.
බහාලුම් 323 නීති විරෝධී ලෙස වරායෙන් පිටකිරීමේ අපරාධයට බිමල් රත්නායක ඇමතිවරයා සම්බන්ධ බවට දයාසිරි ජයසේකර මන්ත්රීවරයා චෝදනා කිරීමෙන් පසු ඒ චෝදනාව සම්බන්ධව පරීක්ෂණයක් ඉල්ලා ඇමතිවරයා අපරාධ පරීක්ෂණ දෙපාර්තමේන්තුවට කළ පැමිණිල්ලක් ප්රකාරව ප්රකාශයක් ලබා ගැනීමට අද අපරාධ පරීක්ෂණ දෙපාර්තමේන්තුව ඔහුව කැඳවා තිබිණි.
දයාසිරි ජයසේකර මන්ත්රීවරයා කීවේ ආණ්ඩුවේ සීඅයිඩී එක විපක්ෂය මර්ධනය කිරීම සඳහා යොදාගෙන ඇති බවය. අපරාධ පරීක්ෂණ දෙපාර්තමේන්තුවට ප්රවේශ වීමට පෙර ඔහු මාධ්ය අමතා මෙසේ පැවසුවේය.
අද කැඳවලා තියනවා කන්ටේනර් 323 ගැන කතා කරන්න. අපි කාරණාව මතු කළේ. හරිනම් සීඅයිඩී වෙත කැඳවන්න ඕන ඇමතිවරයයි මේවා නිදහස් කළ කට්ටියයි… ඒ ගැන පරීක්ෂණ කරන්න පත් කළ කමිටුවයි. ඒත් කමිටුවෙන් තීරණයක් අරන් නෑ
ඉතින් දැන් ප්රශ්නය ඇදපු අයව තමයි සීඅයිඩී ගෙන්නලා තියෙන්නේ. බලමු මොකද වෙන්නේ කියලා. දයාසිරි ජයසේකර මන්ත්රීවරයා පැවසුවේය.
මේ සීඅයිඩී එක ආණ්වෙ සීඅයිඩී එක වෙලා තියෙන්නේ. සීඅයිඩී කියන්නෙ ක්රිමිනල් ඉන්වෙස්ටිගේෂන් ඩිවිෂන්. අපරාධ පරීක්ෂණ දෙපාර්තමේන්තුව. අපරාධ පරීක්ෂණ දෙපාර්තමේන්තුව වෙනුවට කාන්තාවක්ගේ, එක මන්ත්රීවරියකගේ මහත්තයෙකුගේ සම්බන්ධයක් තියනාකියලා ප්රාඩෝ එක්ක උස්සන් ආවත් ගේනවා. මොකක් හරි ප්රකාශක් කරපු ගමනුත් ගේනවා.
ඉතින් මේ හැමදේටම අද සීඅයිඩීය පාවිච්චි කරනවා . ආණ්ඩුවෙ අය බේරන්න. විපක්ෂය මර්ධනය කරන්න. ඉතින් අපි බලමු ගිහින් කොහෙන් හරි නතරවේවි නේ මේක.
තමන් නීතියට ගරු කරන බවත් නවමින් ඇති නීතිය මොනතරම් නැමිය හැකිදැයි බලාගෙන ඉන්නා බවත් මන්ත්රීවරයා පැවසුවේය.
රේගුවේ රඳවා තිබූ බහාලුම් 323ක් නිදහස් කිරීම සම්බන්ධයෙන් බිමල් රත්නායක අමාත්යවරයාට එරෙහිව දයාසිරි ජයසේකර සහ උදය ගම්මන්පිල සිදු කර ඇති චෝදනාවන් සම්බන්ධයෙන් විමර්ශනය කරන ලෙස ඉල්ලා පරීක්ෂණ බිමල් රත්නායක ඇමතිවරයා නීතිඥවරයෙක් හරහා ඉකුත් 29 වැනිදා අපරාධ පරික්ෂණ දෙපාර්තමේන්තුවට පැමිණිල්ලක් ගොනු කර තිබිණි.
