-
රටේ විපක්ෂ නායකවරයෙක් කළ පරිනතම කාතාවක් සජිත් අද කරයි… සජිත් කළේ අනුරට හරියට ගලපා ගන්න බැරි වුන කතාව…
රට පවතින්නේ ඉතාම අපහසු තත්ත්වයක බවත්, මාතෘභූමිය යළි ගොඩනැන්වීම ජයග්රාහී පාර්ශවයට පමණක් කළ නොහැකි බවත් ඒ සඳහා දියත් කරන ඕනෑම ජනතාවාදී සහ ප්රජාතන්ත්රවාදී ක්රියාවලියකට පාර්ලිමේන්තුව තුළ සහ ඉන් පිටත ඕනෑම සහයෝගයක් ලබා දීමට සමගි ජන බලවේගය සහ සමගි ජන සන්ධානය ලෙස තමන් ඇතුළු කණ්ඩායම සූදානම් බවත් විපක්ෂ නායක සජිත් ප්රේමදාස අද නව ජනාධිපති අනුර කුමාර දිසානායක වෙත පැවසුවේය.
ඔහු මේ බව ප්රකාශ කළේ අද රටේ 9 වැනි විධායක ජනාධිපතිවරයා නිල වශයෙන් ප්රකාශ කිරීමට රාජගිරිය මැතිවරණ කාර්යාලයේ පැවති මාධ්ය හමුවෙන් අනතුරුව රට අමතමිනි.
ඔහු කළ ප්රකාශය මෙසේය.
පළමුවෙන්ම 2024 ජනාධිපතිවරණය අවසානයේ 9 වැනි විධායක ජනාධිපතිවරයා හැටියට තේරි පත් වූ ගරු ජනාධිපති අනුර කුමාර දිසානායක මැතිතුමාට මම සුබ පතනවා.
විශේෂයෙන්ම එතුමාට අපේ මාතෘ භූමිය මේ වනවිට පත් වී ඇති අර්බුදකාරී තත්ත්වයෙන් මුදවා ගැනීමට ශත්කිය ධෛර්ය සහ වාසනාව ලැබේවා කියා ප්රාර්ථනා කරනවා.
මේ රටේ ලක්ෂ 220කගේ ජනතා ප්රාර්ථනාවන් සහ බලාපොරොත්තු ඔබට භාර වෙලා තියනවා.
පාර්ලිමේන්තුව තුළත් ඉන් පිටදිත් විශේෂයෙන්ම ජනතාවාදී සහ ප්රජාතන්ත්රවාදී තීන්දු තීරණවලදී සමගි ජන බලවේගයේත්, සමගි ජන සන්ධානයේත් අවශ්ය සහයෝගය ලබා දෙන්නට අප සූදානම් බව මා ප්රකාශ කරනවා.
ඒ වගේම මෙම ජනාධිපතිවරණයේ දී මා කෙරෙහිත්, අප ඉදිරිපත් කරපු ප්රතිපත්ති කෙරෙහිත් අපේ කණ්ඩායම අපේ වැඩ පිළිවෙළ සමග විශ්වාසය තබමින් ඡන්දය භාවිතා කළ සියලුම දෙනාට මා ස්තුතිය පුද කරන්නට මේක අවස්ථාවක් කර ගන්නවා.
අපේ රට අමාරු තත්ත්වයක තියන මොහොතක්. විවිධ අභියෝග රැසකට මුහුණ දී තිබෙන අවස්ථාවක අප විශ්වාස කරනවා රට මේ තත්ත්වයෙන් මුදවා ගැනීම ජයග්රාහී පාර්ශවයට පමණක් නොව මේ රටේ සියලුම පාර්ශවල වගකීමක්.
මැතිවරණ ක්රියාවලිය අවසන්, රට ගොඩනැගීමේ ක්රියාවලිය රට ශක්තිමත් කිරීමේ සංවර්ධනය කිරීමේ ක්රියාවලිය ආරම්භ විය යුතුයි. ඒ උදෙසා ඔබතුමාට ලබා දිය යුතු සහයෝගය අප රටේ ලක්ෂ 220ක් ජනතාව වෙනුවෙන් ඉටු කරන්න අදහස් කරනවා.
ඡන්දය ලබා දුන් නොදුන් සියලු දෙනාට මේ ප්රජාතන්ත්රවාදය ජයග්රහණය කිරීමේ ක්රියාවලියට එක් වීම ගැන ස්තුතිය පිරි නමනවා. ” විපක්ෂ නායකවරයා පැවසුවේය.
