පළාත් පාලන මැතිවරණයක් අතුරුදහන් වී තිබිය දී පළාත් පාලන මැතිවරණයක් නොපැවැත්වීම සඳහා තීන්දුවක් පවා ගෙන තිබිය දී මෙම ජනාධිපතිවරණය පැවැත්වීමම ජයග්රහණයක් බව නව විධායක ජනාධිපතිවරයා ලෙස ප්රකාශයට පත් වුන අනුර කුමාර දිසානායක මැතිවරණ කොමිසම අමතමින් කළ සිය මංගල කතාවේදී ප්රකාශ කළේය.
සාධාරණ මැතිවරණයක් පැවැත්වීම වෙනුවෙන් මැතිවරණ කොමිෂන් සභාවට ස්තුති කළ අනුර කුමාර දිසානායක මැතිවරණයට අදාල නීති සංශෝධනය කිරීමට සංවාදයක් ඇති කර එය ක්රියාත්මක කිරීම පාර්ලිමේන්තුව සමූහ වගකීමක් බවය. ඒ සඳහා ප්රවේශය ගන්නා බවත් ඔහු කීවේය.
“මේ වෙලාව අපේ රට පැති ගණනකින් අස්ථාවර වෙලා තියෙන්නේ. අපි හැමදාම විශ්වාස කළා මේ කඩා වැටී තිබෙන රට ගොඩ නැගීම සිදුකළ හැක්කේ නිශ්චිත ජනවමක් සහිත පාලනයකට විතරයි කියලා. ජනතාව තමයි ඕනෑම පාලනයකට සත්ය සහ මගපෙන්වීම ලබා දෙන්නේ.
අපි දන්නවා ජනතාව ලබා දුන් ජනවරම විකෘති වීමකට ලක් වෙලා තිබුණා. පාර්ලිමේන්තුව තුළත් එය පිටතත් අපි දැක්කේ ඒ විකෘතිය. මේ රට ඉදිරියට ගෙන යන්න ස්ථාවර ජන වරමක් යළි අවශ්යයයි. ඒ හා සමගාමීව පාර්ලිමේන්තු මැතිවරණයක් පැවැත්විය යුතුයි.” ජනාධිපති අනුර කුමාර දිසානායක පැවසුවේය.
ඔහු පැවසුවේ ප්රචන්ඩත්වය අවම මැතිවරණයක් සඳහා සියලුම දේශපාලන පක්ෂ සහ ආධාර කරුවන් එක්වීමම සැලකිය යුතු ජයග්රහණයක් ලෙස සලකිය යුතු බවය. මැතිවරණයක් තුළ කිසිම පුරවැසියෙක් මිය යා යුතු නැති බවත් පීඩාවට පත් විය යුතු නැති බවත් ඔහු අවධාරණය කළේය.
.
අපේ රටේ බොහෝ දේ වෙනස් විය යුතු බවත් වෙනස හුදකලා සිද්ධියක් නොකර එය ස්ථාවර කරගැනීමෙන් එය තහවුරු කරගැනිම කළයුතු බවත් ඔහු කීවේය.
ඔහු පැවසුවේ බෙදීම් ගණනාවකට මුහුණ දී ඇති මේ සමාජයේ බෙදීම් සමනය කරගත යුතු බවය. එය පක්ෂයකට හුදකලාව කළ නොහැකි බවත් දේශපාලන ව්යාපාර වෙන් වශයෙන් පවතින්නේ ඒ වෙනස්කම් පවතින නිසා බවත් ජනාධිපති අනුර කුමාර දිසානායක පැවසුවේය. නමුත් පියවරෙන් පියවර සාකච්ඡා කරමින් එකඟවිය හැකි දේ සමග එකඟ වෙමින් එකඟවිය නොහැකි දේ ප්රතික්ෂේප කරමින් ඉදිරියට යන දේශපාලන සංවාදයක් රටට අවශ්ය බවය.
එමෙන්ම රටක් පවතින්නේ නීති අණපනත් මත පමණක් නොව, සම්මුති බැඳීම් සහ වගවීම් මත බව ද ඔහු පැවසුවේය. රටට අවශ්ය යහපත් දේශපාලන සංස්කෘතියක් බව කී අනුර දිසානායක ජනාධිපතිවරයා එය නිර්මාණය කිරීමට එක් වන ලෙස දේශපාලන ව්යාපාරවලට ආරාධනා කළේය.
ජනතාව තමන් පිළිබඳ තැබූ විශ්වාසය ආක්ෂා කරන අතරම තමන්ට ඡන්දය දුන් නුදුන් සියලුම පාර්ශව ශ්රී ලාංකික ප්රජාව ලෙස එක් කරගෙන රට ගොඩනැගීමේ ව්යාපාරය වගකීමෙන් මෙහෙයවන බව පැවසුවේය.
