අරලගංවිල කන්දේගම ප්රදේශයේදි මුව මස් කිලෝ තිස් අටක් සහ බෙහෙත් කොටන තුවක්කුවක් සමග සිව් දෙනෙකු ඊයේ ( 05) රාත්රියේදී අත්අඩංගුවට ගත් බව පිඹුරත්තෑව වනජීවී කාර්යාලය සඳහන් කරයි.
මුව මස් සමග අත්අඩංගුවට ගත් සැකකරුවන් අරලගංවිල දම්මින්න ප්රදේශයේ සහ විතාරන්දෙනිය, මැදගොඩ අකුරුවල ප්රදේශයේ පදිංචිකරුවන් බව ඒ සම්බන්ධ පරීක්ෂණ සිදුකරන පිඹුරත්තෑව අඩවි සහකාර,එස්.ඒ.වික්රමරත්න අප කළ විමසීමකදී පැවසීය.
සැකකරුවන් අවුරුදු 25 ත් 45 ත් පමණ වයසේ පසු වන්නන් බවත්, ඔවුන් දීර්ඝ කාලයක සිට මෙම මස් ජාවාරම සිදුකරගෙන ගොස් ඇති බවට තොරතුරු අනාවරණය වී තිබෙන බවත් හෙතෙම කීය.
මාදුරුඔය ජාතික වනෝද්යානයේ සැරිසරන මුවන් දඩයම් කර, මෙම මස් හෝටල් සඳහා අලෙවි කිරීමට සූදානම් කර ඇති බවට වැටලීම සිදුකළ වනජීවී නිලධාරින් සැක පලකරයි.
පිඹුරත්තෑව වනජීවී කාර්යාලයේ,අඩවි සහකාර එස්.ඒ.වික්රමරත්න, වන සත්ව නියාමක ජී.ජී.එම්.එම්.බී. සිරිවර්ධන, බි.එම්,එච්.සී සෝමරත්න, සිවිල්ආරක්ෂක ඩබ්ලිව්.ඒ.රත්නපාල, කේ.එන්.ඩික්ෂන් බංඩාර, විදුලිවැට නඩත්තු සහයක එම්.ආර්. ආනන්ද දසනායක, ඒ.ඒ.එස්. කරුණාරත්න, කේ.කේ,ජී නුවන් මදුෂංක රියදුරු, කේ.ජී.සරත් කුමාර යන නිලධාරීන් මෙම වැටලීම සිදු කළහ.
අත්අඩංගුවට ගත් සැකකරුවන් සිව්දෙනා සහ මස් තොගය, මෙන්ම බෙහෙත් කොටන තුවක්කුව අද (06) පොළොන්නරුව මහේස්ත්රාත් අධිකරණයට ඉදිරිපත් කිරීමට කටයුතු කරන බව පිඹුරත්තෑව අඩවි සහකාර එස්.ඒ.වික්රමරත්න වැඩිදුරටත් සඳහන් කළේය.
