මහවැලි ගඟේ සුන්දරම ස්ථානයක් ලෙස සැලකෙන ගල්පොත්ත නැමැති ස්ථානයේ දිය නෑමට ගිය පේරාදෙණිය තුන්වන වසරේ වෛද්ය සිසුවෙක් දියේ ගිලී බරපතල තත්ත්වයෙන් මේ වනවිට නාවලපිටිය රෝහලේ දැඩි සත්කාර ඒකකයේ ප්රතිකාර ගනිමින් සිටින බව පේරාදෙණිය විශ්වවිද්යාලයේ නියෝජ්ය උපකුලපති, මහාචාර්ය ටෙරන්ස් මදුජිත් පවසයි.
දැඩිසත්කාර ඒකකයේ ප්රතිකාර ලබමින් සිටින්නේ කටුගස්තොට ප්රදේශයේ පදිංචි ඉසුරු මදුෂාන් තිලකරත්න නැමැති සිසුවෙකි.
සායනික පුහුණුව සඳහා පෙරේදා (23) විශ්වවිද්යාල බස් රථයේම නාවලපිටියට ගමන් කළ වෛද්ය සිසුන් 45 දෙනෙකුගෙන් සමන්විත කණ්ඩායමකින් 12 දෙනෙක් සායනික පුහුණුව නිමා කර නැවත සරසවියට එන අතර දිය නෑම සඳහා ගල්පොත්ත නැමැති ස්ථානයෙන් බැස තිබේ.
එසේ දියනාමින් සිටිය දී සිසුන් තිදෙනෙක් දියේ ගිලී ඇති අතර ඉන් දෙදෙනෙක් විශාල පරිශ්රමයක් දරා ගොඩගනු ලැබුවත් එක් සිසුවෙක් ගොඩට ගැනීමට විනාඩි විස්සක පමණ කාලයක් ගත වී ඇත.
ගොඩට ගෙන අසාධ්ය තත්ත්වයේ පසුවූ සිසුවාට මූලික ප්රතිකාර ලබා දෙමින් ඔහුව හැකි ඉක්මනින් නාවලපිටිය රෝහලට ඇතුළත් කර ඇත.
දියේ ගිලුණු සිසුවා ගේ තත්ත්වය බරපතළ බවත් ඔහු මේ වනවිට කෘතීම ස්වසන ආධාරක යටතේ ප්රතිකාර ලබන බවත් රෝහල් ආරංචි මාර්ග සඳහන් කරයි.
