දිනසේන රතුගමගේ –
ශ්රී ටෙලෝ පක්ෂයේ නායක පී.උදයරාසා මත්ද්රව්ය චෝදනා ඇතුලු චෝදනා කීපයක් සම්බන්ධයෙන් යාපනයේදී ඊයේ ( 7 ) අත් අඩංගුවට ගෙන තිබේ.
වවුනියාවේ පදිංචිකරුවකු වන ඔහු අවස්ථා කීපයකදීම ශ්රී ටෙලෝ පක්ෂයෙන් පාර්ලිමේන්තු මහ මැතිවරණයට තරග කළ අයෙකි.
මැතිවරණවලදී ඔහුට ජය ලබා ගැනීමට නොහැකි වූවත් ඔහු ක්රියාකාරී දේශපාලනයේ නිරත වෙමින් සිටියේය. ගණේමුල්ලේ සංජීව ඝාතනය සිද්ධිය සම්බන්ධව විදේශයක දී අත් අඩංගුවට ගෙන රටට රැගෙන විත් මේ වනවිට කොළඹ අපරාධ කොට්ඨාසය යටතේ රඳවා තබා ගෙන ප්රශ්න කරන ඉෂාරා සෙව්වන්දි සම්බන්ධ නඩුවේදී ඔහුගේ නමත් ප්රකාශ වීම නිසා ඔහුව අත් අඩංගුවට ගෙන තිබේ.
දැනට ඔහු මත්ද්රව්ය නාශක අංශයේ රැකවරණය යටතේ සිටින අතර ඔහුගෙන් මත්ද්රව්ය ජාවාරම්, මිනිස් ජාවාරම්, ස්ත්රී දූෂණ ,ඉඩම් වංචා , මූ ල්ය වංචා යන චෝදනා රැසක් සම්බන්ධයෙන් ප්රශ්න කරගෙන යයි.
මීට පෙර අවස්ථාවකදී වවුනියාවේ සිදු වූ විශාල ප්රමාණයේ ඉඩම් වංචාවක් සම්බන්ධයෙන් පොලීසිය මොහුව අත් අඩංගුවට ගෙන අධිකරණයට ඉදිරිපත් කිරීමෙන් පසුව ඇප මත නිදහස් කොට ඇති අතර ඒ සම්බන්ධයෙන් වූ නඩුවද මෙතෙක් අවසන් වී නොමැත.
