මාස තුනකට පෙර කල් ඉකුත් වූ බලපත්රයක් භාවිතයෙන් බීඩි නශ්පාදනය කළ ව්යාපාරකයෙකුට නඩු නොදැමීම සඳහා ලක්ෂ 14ක කප්පමක් ඉල්ලා එය ලබා නුදුන් නිසා ඔහුට පහර දී රුපියල් ලක්ෂ 10ක් කොල්ල කෑ බවට චෝදනා ලද තංගල්ල සුරාබදු ඒකකයේ ස්ථානාධිපතිවරයා සහ සුරාබදු සේවකයින් තිදෙනෙකුගේ වැඩ තහනම් කිරීමට සුරාබදු කොමසාරිස් ජනරාල්වරයා පියවර ගෙන තිබේ.
මෙම අපරාධය සම්බන්ධව පුළුල් විමර්ශනයක් කර අපරාධකරුවන්ට තරාතිරම නොබලා දඬුවම් කරන ලෙස මුදල් රාජ්ය අමාත්ය ආචාර්ය රංජිත් සියඹලාපිටිය ලබා දුන් උපදෙස් පරිදි මෙම පියවර ගෙන ඇත.
වලස්මුල්ලේ බීඩී නිෂ්පාදකයකු ගේ බලපත්රය ඉකුත් ජූනි 26 වැනිදායින් අවසන් වී තිබුණු බැවින් ඉකුත් 18 වැනිදා තංගල්ල සුරාබදු ඒකකයේ ස්ථානාධිපතිවරයා ඇතුළු කණ්ඩායමක් එහි ගොස් බීඩි කොල මිටි තමන් සන්තකයට ගෙන අදාල නිෂ්පාදකයාට නඩු පවරන බව එය ගොඩින් බේරා ගැනීම සඳහා ලක්ෂ 14ක අල්ලසක් ඉල්ලා තිබේ.
ඊට විරෝධය පලකළ බීඩි නිශ්පාදකයා පැහැරගෙන ගොස් ඔහුට පහර දී ලක්ෂ දහයක මුදලක් ලබා ගන්නා ආකාරයට අදාල CCTV දර්ශන ද මාධ්ය වෙත ලැබී ඇත.
පහර කෑමට ලක් වී කප්පම් මුදලක් ද දුන් බීඩි නිශ්පාදකයා සිද්ධිය ම්බන්ධව වලස්මුල්ල පොලිසියට පැමිණිල්ලක් කර තිබිණි.
ඒ අනුව විමර්ශන ඇරඹූ තංගල්ල කොට්ඨාස අපරාධ විමර්ශන ඒකකය, මීට සම්බන්ධ වූ සැකකරුවන් 05 දෙනෙකු ඊයේ (25) අත්අඩංගුවට ගෙන තිබිණි.
අපාරධය සම්බන්ධව චෝදනා ලද තංගල්ල සුරාබදු ඒකකයේ ස්ථානාධිපතිවරයා, සුරාබදු නියාමකවරුන් දෙදෙනෙක්, සුරාබදු නියාමක රියදුරකුට අමතරව යුද හමුදා සැරයන්වරයෙක් ද සිද්ධිය සම්බන්ධයෙන් අත් අඩංගුවට ගත් අය අතර වෙති.
