මත් කුඩු වංචා කළ බව කියමින් කාන්තාවක් පැහැර ගත් බ්ලූමෙන්ඩල් ප්රදේශයේ ප්රධාන පෙළේ මත්කුඩු ජාවාරම්කාර කාන්තාවක් විසින් සිය ගෝල බාලයන් ලබා ඇයව සමූහ දූෂණයකට ලක් කිරීමක් සම්බන්ධව බ්ලූමෙන්ඩල් පොලිසිය විමර්ශන ආරම්භ කර ඇත.
මෙසේ සමූහ දූෂණයට ලක් වී ඇත්තේ හේනේගම කෑරල ප්රදේශයේ පදිංචිව සිටිමින් දොම්පේ සහ සහ ඒ අවට මත්කුඩු බෙදා හැරීම සිදුකළ 27 හැවිරිදි තරුණි කාන්තාවක් බව පොලිසිය කියයි.
ඇය සිය කුඩු ජාවාරම සඳහා මත්කුඩු සපයාගෙන ඇත්තේ බ්ලූමෙන්ඩල්හි පදිංචි ප්රධානපෙළේ මත්කුඩු ජාවාම්කාරිගෙනි. සමූහ දූෂණයට ලක් කළ කාන්තාව මත්කුඩු සඳහා මෙම ජාවාරම් කාරියට නියමිත ලෙස මුදල් ගනුදෙනු පියවා නැති බවට හෙළි වී ඇතැයි විමර්ශන අංශ කියයි.
මුදල් නිසි ලෙස පියවා නොතිබිය දීත් මෙම තරුණ කාන්තාව මත්කුඩු මිලදී ගැනීමට බ්ලූමෙන්ඩල්හි ජාවාරම්කාරිය වෙත සිය අනියම් සැමියා සමග යතුරුපැදියකින් පැමිණ ඇත.
එම අවස්ථාවේදීත් ඇයට අවශ්ය මත්කුඩු ප්රමාණය බ්ලූමෙන්ඩල් ජාවාරම්කාරිය විසින් ලබා දී තිබේ.
මත්කුඩු රැගෙන යද්දී අතරමගදී මේ දෙපළ නැවැත්වූ සුරාබදු නිලධාරීන් ලෙස පෙනී සිටි කණ්ඩායමක් ඇයව අත්අඩංගුවට ගත් බව ප්රකාශ කර අසල පාලු නිවසක් වෙත රැගෙන ගොස් ඇත.
තමා අත්අඩංගුවට ගත් බව කියා රැගෙන ආවේ බ්ලූමෙන්ඩල් මත්කුඩු ජාවාරම්කාරියගේ සහචරයන් බවත්, ඔවුන් තමන්ව පැහැර ගෙන ඇත්තේ මත්කුඩු සම්බන්ධ මුදල් ගනුදෙනුව නිසා බවත් ඇය දැනගන්නේ පසුවය.
අනතුරුව මුදල් වංචා කිරීමට දඬුවම් වශයෙන් බ්ලූමෙන්ඩල් ජාවාරම්කාරයගේ ගෝලයින් ඇයව සමූහ දූෂණයට ලක් කර බරපතල ලිංගික හිංසා සිදුකර ඇත.
අනතුරුව ඇය සහ ඇයගේ අනියම් සැමියා සතුව රුපියල් 10,000 ක් ද රන් භාණ්ඩ සහ යතුරුපැදිය ද කොල්ල කා ඔවුන් නිදහස් කර තිබේ.
පසුව ඇය රෝහල්ගතව සිට ප්රතිකාර ලබා පෙරේදා බ්ලූමෙන්ඩල් පොලිස්ථානයට පැමිණ සිද්ධිය පිළිබඳව පැමිණිලි කර තිබේ.
පොලිස් විමර්ශනයේ දී මත්කුඩු ජාවාරම සම්බන්ධ තොරතුරු හෙළි වී ඇත.
