චීනය හා ඉන්දියාව නැගෙනහිර ලඩ්කාහි හමුදා ස්ථාවරය සම්බන්ධයෙන් ඇති ගැටළුව තවම විසඳාගෙන නැතත් දෙරට අතර ඇති ද්විපාර්ශවික සබඳතා සාමාන්යකරණය වී ඇති බව විදේශ කටයුතු අමාත්ය එස්. ජයශංකර් පවසයි. ඔහු මේ බව පවසා ඇත්තේ ඉන්දියාවේ, චීන තානාපති සුන් වෙයිඩොන්ග් එරටින් සමුගැනීමට පෙර හමුවෙමිනි.
ඉන්දියාව හා චීනය අතර ඇති ද්විපාර්ශවික සබඳතා මේ වන විට ශක්තිමත්ව වර්ධනය වෙමින් නිවැරදි මාවතේ ගමන් කරන බව මෙම හමුවෙන් අනතුරුව චීන තානාපතිවරයා පැවසීය.
‘හමුවීමේදී දෙරටට වැදගත් වෙන කරුණු රැසක් අපි සාකච්ඡා කළා.. අපි ඉන්දියාව සමඟ කටයුතු කරන්න ලෑස්තියි..” ඔහු වැඩිදුරටත් පවසා තිබේ.
‘චීන තානාපති සුන් වෙයිඩොන්ග් ගේ සමුගැනීම පිළිබඳ දැන ගන්න ලැබුණා… ඉන්දියාව හා චීනය අතර වර්ධනය වෙන අන්යෝන්ය සබඳතා කාණ්ඩ තුනක් යටතේ අධීක්ෂණය කරනවා’ යනුවෙන් විදේශ කටයුතු අමාත්යවරයා ට්විටර් පණිවියක් ද තබා තිබිණි.
ඔහු අන්යෝන්ය සබඳතා ලෙස සඳහන් කර ඇත්තේ ‘අන්යෝන්ය ගෞරවය, අන්යෝන්ය සංවේදීත්වය හා අන්යෝන්ය කැමැත්ත යන තුනයි.
