ශ්රියානි විජේසිංහ –
රජය ගෙන යන අසාධාරණ සහ අත්තනෝමතික බදු ප්රතිපත්තිය පරාජය කිරිම සඳහා හෙට (8) වෘත්තීයවේදීන්ගේ වෘත්තීය සමිති එකමුතුව ඇතුළු වෘත්තීය සමිති ගණනාවක දහස් ගණනක් වූ නියෝජිතයින් කොළඹ හයිඩ්පිටියේදී දැවන්ත විරෝධතාවයට පවත්වන බවත්, ඊට සමගාමීව පෞද්ගලික රෝහල් සහ වෛද්ය ආයතනයන්හී හදිසි සේවාවන් හැර සියලුම ප්රතිකාර සේවාවන් (චැනලින්) නතර කිරිමට තීරණය කළ බවත් රජයේ වෛද්ය නිලධාරීන්ගේ සංගමය සඳහන් කරයි.
බදු ගෙවීමට විරුද්ධ නැති නමුත් ගෙවීමට නොහැකි බද්දක් පටවමින් බුද්ධිමතුන් රටින් පලවා හරින බදු ප්රතිපත්තියක්, වැටුප් විෂමතාවන් නිර්මාණය කරන බදු ප්රතිපත්තියක් , අයිතිකරුවෙක් නැති අවජාතක බදු ප්රතිපත්තියක් නිර්මාණය කර ඇති බව සංගමයේ ලේකම් වෛද්ය හරිත අලුත්ගේ සදහන් කරයි.
මේ සම්බන්ධයෙන් සාකච්ඡාවක් ඉල්ලා සිටියද ආණ්ඩුව එයට කන්නොදෙන්නේ නම් ඔවුන් ඉල්ලන භාෂාවකින් උත්තර සැපයීමට වෘත්තීයවේදීන් සුදානම් සිටින බවද හෙතෙම පැවසුවේය.
රජයේ වෛද්ය නිලධාරීන්ගේ විධායක සභාව අද දහවල් 12ට රැස්වන අතර රජයේ රෝහල් සම්බන්ධයෙන් ගනු ලබන ක්රියාමාර්ගය කුමක්ද යන්න පිලිබඳව මෙහිදී තීරණය කරන බවද වෛද්ය අලුත්ගේ ප්රකාශ කළේය.
