දිනසේන රතුගමගේ –
උතුරේ මුරුංගා කිලෝවක තොග මිල රුපියල් 2000 ක් දක්වා ඉහල ගොස් තිබේ. මේ වනවිට යාපනයේ මුරුංගා කිලෝවක් අලෙවිවන සිල්ලර මිල කිලෝවක් 2500 ක් දක්වා ඉහළ ගොස් ඇත.
මේ දිනවල යාපනයේ මුරුංගා පල හට නොගන්නා අවාරයේ කාලයක්වන අතර මන්නාරමෙන් උතුරු වෙළඳපලට රැගෙන විත් ඇති මුරුංගා වල මිල මෙසේ ඉහළ ගොස් තිබේ.
කෙසේ වෙත්ත යාපනයේ අනෙක් එළවළු මිල සැලකිය යුතු ලෙස පහත වැටී තිබේ.
යාපනය කිළිනොච්චිය යන පළාත් වලින් හා දඹුල්ල තඹුත්තේගම යන පළාත් වලින් එලවළු තොග වශයෙන් උතුරේ වෙළදපලට ලැබීමත් සමගම රුපියල් 900 කට අලෙවි වූ තක්කාලී කිලෝවක මිල රුපියල් 400 ක් දක්වාද රුපියල් 150 ට අලෙවි වූ වට්ටක්කා හා ගෝවා කිලෝවක මිල රුපියල් 60 ක් දක්වාද රුපියල් 900 කට අලෙවි වූ බෝංචි කිලෝව රුපියල් 160 ක් දක්වාත් පහත වැටී තිබේ.
අඩුම මිලකට අලෙවි වූයේ පිපිඤ්ඤාය. පිපිඤ්ඤා කිලෝවක මිල වූයේ රුපියල් 50 කි.
