ලලිත් චාමින්ද –
ගොවින්ට ලබාදෙන පොහොර සහනාධාර මුදල බැංකු ගිණුම්වලට බැර කරනවා වෙනුවට ඉදිරි කන්නයේ සිට වගා බිමට අවශ්ය පොහොර ප්රමාණය ලබාදීමට කටයුතු කරන ලෙස රජයෙන් ඉල්ලා සිටින බැව් ගාල්ල දිස්ත්රික්කයේ ගොවීහු පවසති.
ගොවින්ගේ බැංකු ගිණුම්වලට පොහොර සහනාධාර මුදල් ලබාදිමේ දි ප්රමාදයන් සිදුවන බවත් ගොයම් කපන කාලයට පොහොර සහනාධාරය ලැබිමෙන් පලක් නොවන බවත් ගොවිහු පෙන්වා දෙති.
රුහුණු රටගොවි සංවිධාන එකමුතුවේ කැදවුම්කරු රවින්ද්ර ජාගොඩ ගාල්ලේ පැවති මාධ්ය හමුවකදි මේ පිළිබද අදහස් දක්වමින් මෙසේ කිවේය.
“බිත්තර වී, වල්නාශක , කෘමිනාශක ඇතුළු කෘෂි යෙදවුම්වල මිල වැඩිවෙලා තියෙනවා. ගොවින්ට කෘෂි යෙදවුම්වල මිල ඉහල යාම දරාගන්න බැහැ.
“පොහොර සහනාධාර මුදල හෙක්ටයාර් එකකට රුපියල් 25000 දක්වා වැඩි කිරිම පිළිබඳ අපි රජයට ස්තුතිවන්ත වෙනවා. නමුත් පොහොර සහනාධාර මුදල කුඹුරේ ගොයම් කපන කාලයට හමුවෙලා වැඩක් නැහැ. කඹුරේ වී වපුරණ විට මඩපොහොර ටික ගහන්න ඕන. වැඩි අස්වැන්නක් ගැනිමට නම් කුඹුරට අවශ්ය වෙලාවට පොහොර ටික යෙදිය යුතුයි. ගොවින්ට අවශ්ය පොහොර ටික ගොවිජනසේවා මධ්යස්ථාන වලින් හෝ වෙළදපොළේ ඕනැම තැනකින් ලබා ගැනිම සදහා රජය වැඩපිළිවෙළක් සකස්කළ යුතුයි.” රවින්ද්ර ජාගොඩ වැඩිදුරටත් සඳහන් කළේය.
