-
උඹ මේ කාලකන්ණි රටේ ඉන්නෙ නැතිව ගිය එක හොඳයි දුවේ… පෙට්රල් ලීටරයක් නැතිව රෝහල් ගත කිරීමට නොහැකිව මිය ගිය කිරිකැටි දියණයක් ගැන මරණ පරීක්ෂවරයා තැබූ සංවේදී සටහන…
ඉන්ධන නොමැති වීම නිසා නියමිත මොහොතේ රෝහලට ගෙනයාමට නොහැකිව අකාලයේ මිය ගිය දෙදිනක් වයස බිළිඳු දියණියක් සමබන්ධ පුවතක් හල්දුම්මුල්ලෙන් වාර්තා වේ.
මේ වේදානත්මක සිදුවීම වාර්තා කරනු ලබන්නේ දියතලාව හදිසි මරණ පරීක්ෂක ශානක් රොශාන් පතිරණ විසිනි.
මෙසේ අවාසනාවන්ත ලෙස ජීවිතක්ෂයට පත්වී ඇත්තේ හල්දුම්මුල්ල සොරගුනේ රදාකඳුරේ බිළිඳියකි.
ප්රමාණවත්ව කිරි උරා නොබීම හේතුවෙන් සිරුර කහ පාට ගැන්වීම නිසා දරුවා රෝහල්ගත කිරීමට පියා හතර අතේ ත්රී රෝද රථයක් සොයා ඇත. තෙල් නැත. ඒ හේතුවෙන් ත්රී රෝද රථයක් සොයාගැනීමට අපහසු තිබේ. පොඩි එකී මියගොස් ය.
බිළිදිය රෝහල්ගත කිරීම ප්රමාද වීමෙන් මෙම මරණය සිදු වී ඇතැයි වෛද්යවරු පවසා තිබිණි.
“පෙට්රල් ලීටරයක් හොයා ගන්න බැරි වුනා…“ හදිසි මරණ පරීක්ෂණයේදී සාක්කි දෙමින් ඒ තාත්තා කියා ඇත.
කම්පනයට පත් වූ හදිසි මරණ පරීක්ෂක ශානක රොශාන් පතිරණ මෙම සටහන මුහුණු පොතට එක් කර තිබිණි.
ඒ සම්පූර්ණ විස්තර පහතින් ,
“දියතලාව රෝහලේ මාගේ 86 වෙනි මරණ පරීක්ෂණය සහ වේදනාත්මකම මරණය.
දින දෙකක් වයසැති මේ පොඩි දුව මව්කිරි බීම අඩුවී කහවීම හේතුවෙන් ලේ වල සිනි අඩුවීම නිසා ගෙදරදී ගැහෙන්න අරගෙන,
හල්දුම්මුල්ල රෝහලට ගේන්න තාත්තට ත්රී විල් එකට පැට්රොල් හොයන්න පැයක් විතර ගිහින්,හල්දුම්මුල්ල රෝහලට එනකොට ලේවල සීනි 22mg/dl .
දියතලාව රෝහලට ගේද්දී දරුවා හුස්ම අදිනවා. දියතලාව රෝහලේ ETU එකේ දරුවා නැති උනා
අර පැය පරක්කු උනේ නැත්නම් බේරගන්න තිබ්බා .
දෙයක් තමන්ටම වෙන්න ඕනේ ඒකේ දුක තේරෙන්න.
මස 9ක් බඩේ තියාගෙන දවස් 2ක් තුරුලේ තියාගෙන පැට්රොල් ලීටරයක් නැතුව දරුවෙක් නැති උනා කියන දුක ජිවිත කාලෙටම වද දේවී.
මිනිය කපන්නත් දුකයි, සියලු අවයව හොදට හැදුනු දරුවෙක්.
හෙන ගහනවා මේ කාලකන්නි දේශපාලුවන්ට.
පස්සේ හිතුනා මේ කාලකන්නි රටේ ජිවත් වෙන්නේ නැතුව ඒ ළමයා ගිය එක හොදයි කියලා”
