හිටපු ආරක්ෂක ලේකම් හේමසිරි ප්රනාන්දු සහ හිටපු පොලිස්පති පූජිත් ජයසුන්දර පාස්කු ප්රහාර මාලාව සම්බන්ධයෙන් පවරා තිබූ නඩු දෙකේ සියලූම අධිචෝදනාවලින් නිදොස්කොට නිදහස් කිරීමට තීන්දු කළ කොළඹ විශේෂ ත්රිපුද්ගල මහාධිකරණ විනිසුරු මණ්ඩලය මේ සම්බන්දයෙන් වගකීම ඉහළ දේශ පාලන බල අධිකාරියට සහ එවකට රාජ්ය බුදධි දේවයේ අධ්යක්ෂවරයා ලෙස කටයතු කළ නඩුවේ පැමිණිල්ලේ පළමුවැනි සාක්ෂිකාර ජ්යෙෂ්ඨ නියෝජ්ය පොලිස්පති නිලන්ත ජයවර්ධන වෙත පැවරෙන බව ඊයේ (18 ) ප්රකාශිත ශ්රේෂ්ඨාධිකරණ නඩු තීන්දුවත් සමග පෙනී ගොස් තිබේ.
පාස්කු ප්රහාරයේ වගකිව යුත්තන්ගේ ලයිස්තුවේ ඉහළට හිටපු ජනාධිපති මෛත්රිපාල සිරිසේන සහ රාජ්ය බුද්ධි සෙවයේ හිටපු අධ්යක්ෂ නිලන්ත ජයවර්ධන පැමිණීම පිළිබඳ මේ වනවිට නීති ක්ෂේයේ මෙන්ම දේශපාලන ක්ෂේත්රයේ ද අවධානය යොමුව ඇත. .
ශ්රේෂ්ඨාධිකරණ ත්රිපුද්ගල විනිසුරු මඩුල්ල ඊයේ (18) සිය පුකාශය ලබා දෙමින් පැයකට ආසන්න කාලයක් අදාළ නියෝගයට අදාළ පසුබිම් කරුණු පිළිබඳව ප්රකාශයක් කළේය. එහිදී ශ්රේෂ්ඨාධිකරණය සඳහන් කළේ රටේ ජාතික ආරක්ෂාව සම්බන්ධයෙන් ප්රධාන වශයෙන් රටේ වගකිවයුතු දේශපාලන අධිකාරියට වගකීමක් පැවරී තිබුණත් රාජ්ය නිලධාරීන් වෙත එකී වගකීම පටලවා නඩු පැවරීම සාධාරණ නොවන බවය.
එසේම අදාළ වගකීම් පැහැර හැර ඇත්තේ එවකට රාජ්ය බුද්ධි අංශ ප්රධානියා ලෙස කටයුතු කළ පැමිණිල්ලේ පළමුවන සාක්ෂිකාර නිලන්ත ජයවර්ධන බව අධිකරණයට පෙනී යන්නේ යැයිද නාමල් බලල්ලේ, ආදිත්ය පටබැඳිගේ සහ මොහොමඩ් ඉසර්දීන් මෙම යන විනිසුරු මඬුල්ල පෙන්වා දුන්හ.
එහිදී මෙම විනිසුරන් තවදුරටත් පෙන්වා දුන්නේ ප්රහාර මාලාවක් එල්ල විය හැකි බවට පිටරටකින් තොරතුරක් ලද මුත් එය නිසි බුද්ධි තොරතුරක් බවට තහවුරු කර ගැනීමට එවකට රාජ්ය බුද්ධි අංශ ප්රධානියා ලෙස කටයුතු කළ නිලන්ත ජයවර්ධන අසමත් වූ බව තමන්ම අධිකරණය හමුවේ සාක්ෂි ලබා දෙමින් පිළිගත් බවය.
පැමිණිල්ලේ පළමුවන සාක්ෂිකාර නිලන්ත ජයවර්ධන ඔහු වෙත ලැබුණේ යැයි කියන ප්රහාර මාලාවට අදාළ තොරතුරු 2009.04.09 වැනිදා පැවැති බුද්ධි සමාලෝචන රැස්වීමේදී හෝ සාකච්ඡාවට බඳුන් නොකිරීම සුළුකොට තැකිය නොහැකි බවද ඊයේ ත්රිපුද්ගල විනිසුරු මඩුල්ල අවධාරණය කළහ.
රටේ රාජ්ය බුද්ධි අංශ ප්රධානියා ලෙස ඔහුට මේ සම්බන්ධයෙන් වගකීමෙන් කටයුතු කිරීමේ හැකියාව තිබූ බවත් විනිසුරු මඬුල්ල එහිදී පෙන්වා දුන්හ. පැමිණිල්ලේ සාක්ෂිකරුවකු ලෙස නම්කොට තිබූ එවකට ජාතික බුද්ධි ඒකකයේ ප්රධානියා ලෙස කටයුතු කළ සිසිර මෙන්ඩිස් පැමිණිල්ල වෙනුවෙන් කැඳවිය හැකි හොඳම සාක්ෂිකරුවකු බවට අධිකරණයේ මතය වුවත් කුමණ හෝ හේතුවක් මත ඔහුගේ සාක්ෂිය පැමිණිල්ල නොකැඳවූ බවද සාමාජික විනිසුරු ආදිත්ය පටබැඳිගේ පෙන්වා දුන්නේය.
විත්තිකාර හිටපු පොලිස්පති පූජිත් ජයසුන්දර ඔහු වෙත ලැබුණු තොරතුරු සම්බන්ධයෙන් ගත් පියවර පිළිබඳව විමර්ශන ගොනු කැඳවා තහවුරු කර ගැනීම සිදුකළ යුතුව තිබුණත් එලෙස නොකර ඔහුට එරෙහිව නඩු පවරා ඇති බවත් එය ඉතා කනගාටුදායක තත්ත්වයක් බවත් සභාපති විනිසුරු නාමල් බලල්ලේ සිය නියෝගය මගින් පෙන්වා දුන්නේය.
එහිදී තවදුරටත් මෙම විනිසුරුවන් පෙන්වා දුන්නේ රටේ එවකට පැවැති දේශපාලන වාතාවරණය අනුව හිටපු ආරක්ෂක ලේකම් හේමසිරි ප්රනාන්දුට සහ හිටපු පොලිස්පති පූජිත් ජයසුන්දරට ස්වාධීනව තීරණ ගැනීමේ ගැටලු පැවතිය බවට පැමිණිල්ල විසින් ඉදිරිපත් කළ සාක්ෂි මගින්ම තහවුරු වන බවය.
