දිනසේන රතුගමගේ
ඊයේ (18) රාත්රී 11.45ට පමණ කිළිනොච්චිය ලංගම ඩිපෝවට අයත් බස් රථයක් දඹුල්ලේදී ටිපර් රථයක් සමග ගැටීමෙන් ටිපර් රථයේ රියදුරු සිද්ධිය වූ ස්ථානයේදීම මිය ගොස් තිබේ.
මෙම අනතුරෙන් බස් රථයේ රියදුරු ඇතුලුව 11 දෙනෙකු තුවාල ලබා තිබේ.
මෙසේ අනතුරට ලක්ව ඇත්තේ මුලතිව් පුදුකුඩීඉරිප්පුව හා කොළඹ අතර ධාවනය වන ලංගම බස් රථය වන අතර අනතුර සිදුවන අවස්ථාවේදී බස් රථයේ මගීන් හතළිහක් පමණ සිට ඇත.
තුවාලකරුවන් දඹුල්ල රෝහලට ඇතුළත් කොට ඇති අතර දඹුල්ල පොලීසිය සිද්ධිය සම්බන්ධයෙන් පරීක්ෂණ පවත්වා ගෙන යයි.
