ලලිත් චාමින්ද –
-
විශ්රාමික අම්මලා තාත්තලට බේත් ගන්න පඩිය මදි… සල්ලි දීලා ගන්වත් බෙහෙත් නෑ… ඖෂධ ආනයන කරුවන් මේ වෙලාවෙදි බොරදියේ මාළු බානවා… සමස්ත ලංකා බටහිර ඖෂධ තොග බෙදා හරින්නන්ගේ සංගමයේ ලේකම් රවි කළංසුරිය හෙළි කරන මරණයේ කතාව…
ළමා , පිලිකා හෘද, රෝගීන් සඳහා ලබාදෙන ඖෂධ ඇතුළු ඖෂධ වර්ග රැසක පවතින හිඟය හේතුවෙන් මේ වනවිට රෝගීන් මිය යමින් සිටින බව සමස්ත ලංකා බටහිර ඖෂධ තොග බෙදා හරින්නන්ගේ සංගමයේ ලේකම් රවි කළංසුරිය පවසයි.
ඔහු පවසන්නේ මේ වනවිට ඖෂධ මිල සියයට තුන්සියයකින් හාරසියයකින් පමණ වැඩිවී රෝගීන් අන්ත අසරණ වී ඇති බවය.
ඖෂධ හිඟය මෙන්ම ඖෂධ මිල විශාල වශයෙන් වැඩිවිම නිසා රෝගින් දැඩි අසරණ තත්ත්වයට පත්ව ඇති පසුබිමේ දී ඖෂධ ආනයනකරුවන් බොරදියේ මාළුබාන අශිෂ්ට ආකාරය ද රවි කළංසුරිය හෙළි කරයි.
ගාල්ලේ අද (27) පැවති මාධ්ය හමුවකදි ඔහු මේ බව හෙළි කළේය. හෙතෙම මෙසේද කිවේය.“ ඖෂධ මිල රෝගින්ට දරාගන්න බැහැ. ඖෂධ නියාමන අධිකාරියක් තිබුනාට වැඩක් නැහැ. ඖෂධවල මිල පාලනයක් නැහැ. වෙනදා රුපියල් 500ට ගත්තු බෙහෙත් තුන්ඩුවේ බෙහෙත් ගන්න රුපියල් 2500ක් අවශ්යවෙනවා.
විශ්රාමිකයින්ට මාසික බෙහෙත් ටික ගන්න ලැබෙන විශ්රාම වැටුප ප්රමාණවත් නැහැ. මේ වනවිය විශ්රාමිකයින් විශාල පිරිසක් බෙහෙත් ගැනීම අත්හැරදමලා.
ඖෂධ හිඟයට රජය කිසිදු පියවරක් අරගෙන නැහැ රෝහල්වල බාහිර ප්රථිකාර අංශවල ඖෂධ නැහැ. පුද්ගලික අංශයෙන් ඖෂධ මිලදී ගැනිමේ දි රෝගින් නොයෙකුත් දුෂ්කරතාවයන්ට මුහුණදෙනවා. අත්යවශ්ය ඖෂධ වර්ග රැසක හිඟයක් තියෙනවා.“
“ළමා රෝගින්ට ලබාදෙන ඖෂධ නැහැ පිලිකා රෝගින්ට ලබාදෙන ඖෂධ වර්ග නැහැ. පිලිකා රෝගින් මරණයට ලක්වෙමින් ඉන්නවා. හෘද රෝගින්ට අවශ්ය ඖෂධ වර්ග මෙන්ම ශල්ය උපකරණ නැහැ. ඖෂධ හිඟයට කෙටි කාලින දිගු කාලින විසදුමක් නැහැ.
අවශ්ය වෙලාවට රෝගින්ට ඖෂධ නැහැ. යුද්ධයට නැති කඩුව කොස්කොටන්නද වගේ වැඩක් තමයි වෙලා තියෙන්නේ. රෝහල්වල නේවාසික ප්රථිකාර ලබන රෝගින්ටද ප්රමාණවත් පරිදි ඖෂධ නැහැ.
පුද්ගලික ඔසුසල්වලින්වත් මිලදිගන්න ඖෂධ නැහැ. අක්ෂිකාචවල මෙන්ම අක්ෂි රෝගීන්ට ලබාදෙන ඖෂධ වර්ගවල හිඟයක් තියෙනවා. ඖෂධ නීතිගත සංස්ථාව අවශ්ය ඖෂධ වර්ගවලින් සියයට 15ක්වත් ගෙන්වන්නේ නැති නෑ..
රවි කළංසුරිය වැඩිදුරටත් සදහන් කළේය.
