ලලිත් චාමින්ද –
පින්නවල අලි අනාථාගාරයට (2021-2022) යන වර්ෂ සඳහා පළතුරු සැපයිමේ ගිවිසුම අනුව සාමාන්ය මිලට වඩා වැඩි මිල ගණන්වලට පළතුරු සැපයිම නිසා කොන්ත්රාත් පිරිවැය රුපියල් එක්කෝටි අනු තුන්ලක්ෂ අනු හතර දහස් හයසිය හතලිහකින් වැඩි වී (19,394,640) ඇති බැව් ජාතික විගණන කාර්යාලය පවසයි.
2021 වර්ෂයේ ඔක්තෝබර් මස 15 වැනි දින සිට දෙසැම්බර් මස 31 වැනි දින දක්වා මාස දෙකහමාරක කාලය තුළ වෙළඳපළ මිලට වඩා අධික මිලකට පළතුරු කිලෝග්රැම් 44,513ක් මිලදී ගෙන තිබු අතර ඒ හේතුවෙන් රජයට රුපියල් 3,724,156ක (තිස් හත් ලක්ෂ විසි හතර දහස් එකසි පනස් හයක) පාඩුවක් දැරිමට සිදුවී ඇති බවද විගණනය මගින් අනාවරණය කොට ඇත.
පළතුරු සැපයිමේ ගිවිසුම අනුව ඇඹුල් කෙසෙල්,කොමඩු හා අන්නාසි, කිලෝග්රැම් එකක සාමාන්ය මිලට වඩා වැඩි මිල ගණන්වලට පළතුරු සපයා තිබුණි.
මේ පිළිබද සත්වෝද්යාන සංවර්ධන හා සුභසාධක අරමුදලේ කළමණාකාරිත්වය විසින් විගණනයට සඳහන් කොට ඇත්තේ පළතුරු සැපයිමේ ප්රසම්පාදන කමිටුව විසින් මිල ගණන් අඩුකරගැනිම සඳහා සාකච්ඡා කොට රුපියල් 5,952,420ක මුදලක් අඩුකරගැනිමට කටයුතු කර ඇති බවය.
ලංසුකරුවන් ඉදිරි වර්ෂයක කාලය සඳහා මිල ගණන් පුරෝකථනය කොට මිල ගණන් ඉදිරිපත් කරණ නිසා මෙම තත්වය ඇති වි තිබෙන බව ඔවුන් පවසා ඇත.
