ලලිත් චාමින්ද
තවදුරටත් පෑවිල්ල පැවතියහොත් කුඩා තේ වතුහිමියාට සිදුවන්නේ අලුත් අවුරුද්ද කෑමට නොව ගෙල වැලලා ගැනිමට බැව් කුඩා තේ වතුහිමියන් සුරැකිමේ සංවිධානයේ සභාපති රාජා අතුකොරල පවසයි.
දැඩි පෑවිල්ලත් සමග තේ දළු අස්වැන්න විශාල වශයෙන් පහත වැටිම නිසා ගාල්ල දිස්ත්රික්කයේ කුඩා තේ වතු හිමියන් දැඩි අසරණ තතවයට පත්ව ඇති බවද රාජා අතුකොරල මහතා කියයි.
ගාල්ලේ දි පෙරේදා (02) පැවති මාධ්ය හමුවකදි මේ පිළිබද අදහස් දක්වමින් කුඩා තේ වතුහිමියන් සුරැකිමේ සංවිධානයේ සභාපතිවරයා මෙසේද කිවේය.
“මේ වනවිට කුඩා තේ වතුහිමියා කබලෙන් ලිපට වැටිලා. පසුගිය කාලයේ පැවති අධික වර්ෂාව නිසා තේ දළු කුණුවෙලා මැරිලා ගියා. තේදළු ගිරිදාගෙන එනවිට ආපු පෑවිල්ලත් සමග මේ වනවිට තේ ගස් පිටින් මැරියමින් පවතිනවා. ගාල්ල දිස්ත්රික්කයේ ඇතැම් තේ වගාවන් පෑවිල්ල නිසා ඉදල් බවට පත්වෙමින් යනවා. කුඩා තේවතුහිමියාට ලබාදුන් සහනාධාර සියල්ල කපාහැරලා. තේ දළු මිල අඩුවෙමින් යනවා ගිය මාසයට වඩා මේ මාසයේ තේ දළුමිල රුපියල් 14කින් අඩුවෙලා. කුඩා තේ වතු හිමියාට ශතපහකට සලකන්නේ නැහැ. තේ කම්හල්වල දළු අඹරන්න දළු නැහැ. දින දෙක තුනක් දළු එකතු කරලා තමයි දළු ටික අඹරන්නේ. රටට ඩොලර් ගෙනාපු තේගස ගානේ කිසිවෙක් බලන්නේ නැහැ හොයන්නෙ නැහැ. කප්පාදු කරපු සහනාධාර නැවත ලබාදෙන්න කියලා රජයෙන් අපි ඉල්ලා සිටිනවා.”
එකවර රුපියල් 8000ක් දිලා තේ පොහොර මිටි දෙක තුනක් ලබා ගන්න කුඩා තේවතු හිමියාට අමාරුයි. තේ වගාවට පොහොර ටික මිලදි ගත් පසු කුඩා තේ වතුහිමියන්ගේ අනිකුත් අවශ්යතාවයන් සපුරාගන්න මුදල් නැහැ. මේ නිසා කුඩා තේ වතු හිමියාට වාරික ක්රමයට ගෙවන්න තේ පොහොර ලබාදෙන්න කියලා බලධාරින්ගෙන් ඉල්ලා සිටින බවද රාජා අතුකොරල මහතා වැඩිදුරටත් සදහන් කළේය.
