මුම්බායි සිට කොළඹ දක්වා පැමිණෙමින් තිබූ UK 131 (A320 Neo) විස්තාරා ගුවන් යානයේ වාර්තා වූ බෝම්බ බිය සම්බන්ධයෙන් කිසිදු තර්ජනයක් නොමැති බව කටුනායක බණ්ඩාරනායක ජාත්යාන්තර ගුවන් තොටුපල කළමණාකාරිත්වය නිවේදනය කරයි.
යානය කටුනායක ගුවන් තොටුපල වෙත ගොඩබෑමට මිනිත්තු 10 කට පෙර ගුවන් යානයේ කපිතාන්වරයාට බෝම්බ තර්ජනයක් පිළිබඳ නිශ්චිත නොවන ඇමතුමක් ලැබී ඇත.
අතර්ජනය පිළිබඳව බලධාරීන් දැනුවත් කිරීමෙන් පසු, ප්රොටෝකෝලයට අනුකූලව, අදාළ සියලු බලධාරීන්ට වහාම දැනුම් දී බණ්ඩාරනායක ජාත්යන්තර ගුවන්තොටුපළේ හදිසි අවස්ථාවක් ප්රකාශයට පත් කරන ලදී.
මගීන් 96 දෙනෙකු සහ කාර්ය මණ්ඩලය 8 දෙනෙකු සමඟ ගුවන් යානය අද සවස 2.49ට ට නිරුපද්රිතව ගුවන් තොටුපළට ගොඩ බස්වා තිබිණි.
ආරක්ෂිත පියවරක් ලෙස සියලුම මගීන් ඉක්මනින් ගුවන් යානයෙන් මගී පර්යන්තය වෙත ගෙන යන ලද අතර සියලුම මගීන්ගේ ආරක්ෂාව සහතික කරන ලදී.
ගුවන් තොටුපළ සහ ගුවන් සේවා (ශ්රී ලංකාව) (පුද්ගලික) සමාගම (AASL) අනෙකුත් බලධාරීන් සමඟ එක්ව එවැනි සිදුවීම් සඳහා ස්ථාපිත සම්මත ප්රොටෝකෝල අනුගමනය කළ අතර සියලුම මගීන්ගේ සහ කාර්ය මණ්ඩලයේ ආරක්ෂාව සහ රැකවරණය අතිශයින්ම ප්රමුඛතාවයෙන් සහතික කළ බව ගුවන්තොටුපල කළමණාකාරිත්වය දන්වා තිබේ.
මොකක් ද මේ සිද්ධ වුනේ…
ඊයේ පස්වරුවේ සිට ඉන්දියානු ගුවන් යානා විශාල ප්රමාණයකට බෝම්බ තර්ජනයක් ඇති බව දැක්වෙන ප්රකාශ සමාජ මාධ්ය ඔස්සේ අඛණ්ඩව ප්රචාරය වෙමින් තිබී ඇත.
මේ ප්රකාශ අතර විස්තාරා ගුවන් සේවයට අයත් එක් ගුවන් යානයක් දිල්ලි සිට ලන්ඩන් දක්වා ගමන් කරමින් තිබෙද්දී බෝම්බ තර්ජනයක් පිළිබඳ වූ තොරතුරක් මත සාමාන්ය හදිසි අවස්ථාවක් ප්රකාශයට පත් කර ජර්මනියේ ෆ්රැන්ක්ෆර්ට් වෙත හරවා යවා තිබිණි.
ඩුබායි සිට ජයිපූර් දක්වා ගමන් කළ එයාර් ඉන්දියා එක්ස්ප්රස් ගුවන් යානයක් ජායිපූර් වෙත පැමිණීමට ටික වේලාවකට පෙර සාමාන්ය හදිසි අවස්ථාවක් ද ප්රකාශයට පත් කළේය.
සිකුරාදා බොහෝ තර්ජන පැමිණියේ එක් නිර්නාමික සහ සත්යාපනය නොකළ X ගිණුමකිනි.—@adamlanza111 නැමැති මෙම මෙම ගිණුම එයාර් ඉන්දියා ගුවන් යානා හයකට, විස්තාරා ගුවන් යානා තුනකට, එයාර් ඉන්දියා එක්ස්ප්රස් ගුවන් ගමන් දෙකකට සහ එලායන්ස් එයාර් ගුවන් යානයකට තර්ජන එල්ල කර ඇති බව වාර්තා වේ.
තර්ජන පළ කරන විට මෙම ගුවන් ගමන් වලින් සමහරක් ගුවන් ගත කර තිබිණි. සමහරක් ගුවන් ගමන් සම්පූර්ණ කර තිබිණි.
මෙම සිදුවීම් සමඟ මේ සතියේ ඉන්දීය ගුවන් සමාගම්වල ගුවන් යානාවලට බෝම්බ තර්ජන එල්ලකල තහවුරු වූ අවස්ථා සංඛ්යාව 45කට අධික සංඛ්යාවක් දක්වා ඉහළ ගියේය. අද විස්තාරා ගුවන් යානයට යොමු වන්නේත් එවැනි තර්ජනයක් පිළිබඳ ඇමතුමකි.
සියලුම තර්ජන පැමිණ තිබුණේ X සමාජ මාධ්ය වේදිකාවේ සත්යාපනය නොකළ සහ නිර්නාමික ගිණුම් මන් බව ද එම එම බියගැන්වීම් ව්යාජ ඒවා බව ද ඉන්දියන් එක්ස්ප්රස් වාර්තා කර ඇත.
