ලෙබනනයේ සිට දියත් කරන ලද ඩ්රෝන යානයක් ටෙල් අවිව් හි උතුරේ සිසේරියා හි පිහිටි ඊශ්රයාල අගමැති බෙන්ජමින් නෙතන්යාහුගේ නිවසට ප්රහාරයක් එල්ල කළේය.
සිසේරියා හි අගමැති නිවස වෙත එල්ල වූ ඩ්රෝන් ප්රහාරය ඉතා බරපතල ආරක්ෂක අසාර්ථකත්වයක් ලෙස මෙතෙක් අධි තක්සේරුවක් සහිතව සිටි ඊශ්රායල ආරක්ෂක අංශවෙත පිළිගැනීමට සිදුවී තිබේ. මේ වනවිට සිද්ධිය පිළිබඳ අභ්යන්තර විමර්ශන ආරම්භ කර ඇත.
මෙම ප්රහාරයෙන් ජීවිත හානියක් සිදුනොවුන බවත්, අගමැතිවරයා හෝ ඔහුගේ බිරිය ප්රහාරය අවස්ථාවේ දි නිවසේ රැදී නොසිටි බවත් ඊශ්රයාල රජයේ ප්රකාශකයෙක් නිවේදනයක් නිකුත් කරමින් කියා සිටියේය.
නෙතන්යාහූ මින් පෙරත් ගුවන් ප්රහාරවලට ඉලක්ක වූයේය. සැප්තැම්බර් මාසයේදී යේමනයේ හූති කැරලිකරුවන් නෙතන්යාහුගේ යානය ගොඩබස්වන විට බෙන් ගුරියන් ගුවන්තොටුපළ දෙසට බැලස්ටික් මිසයිල ප්රහාරයක් කළේය. නමුත්එ ම මිසයිලය බාධා කර ප්රහාරය වළක්වා තිබිණි.
ඊශ්රායලයට අද ප්රහාර එල්ල වන්නේ ඉරානයේ පිටුබලය ලබන හමාස් සහචරයෙකු වන ලෙබනනයේ හිස්බුල්ලා සංවිධානය සමඟ යුද්ධය මෑත සතිවල තීව්ර වීමත් සමඟ ය. හිස්බුල්ලා සංවිධානය සිකුරාදා ප්රකාශ කළේ ඊශ්රායලයට වඩාත් දියුණු මිසයිල ප්රහාරවලින් සහ ඩ්රෝන පුපුරවා හැරීමෙන් නව සටන් අදියරක් දියත් කිරීමට සැලසුම් කර ඇති බවය. එහි මුල්ම ඉලක්කය නෙතන්යාහූ ගේ නිවසය.
ඊශ්රායල හමුදාව පැවසුවේ නෙතන්යාහුගේ නිවසට එල්ල කරන ලද ඩ්රෝන ප්රහාරයට අමතරව, සෙනසුරාදා උදෑසන ලෙබනනයේ සිට උතුරු ඊශ්රායලයට වෙනම පෙරමුණු දෙකකින ප්රහාර 55ක් එල්ල වූ බවය. ජීවිත හානි පිළිබඳ ක්ෂණික වාර්තා නොමැති බවද ඊශ්රයාලය පැවසුවේය.
තවද ඊශ්රායලය අද ප්රකාශ කළේ දකුණු නගරයේ බින්ට් ජ්බෙයිල් හි හිස්බුල්ලාගේ නියෝජ්ය අණදෙන නිලධාරි නසාර් රෂීඩ් මරා දැමූ බවයි. නසාර් රෂීඩ් ඊශ්රායලයට එරෙහි ප්රහාර අධීක්ෂණය කළ බව හමුදාව ප්රකාශ කළේය
ඊශ්රයාලයේ නිර්දය ප්රහාර හේතුවෙන් මේ වනවිට ගාසා තීරයේ ඊ පලස්තීනුවන් 42,000 කට අධික සංඛ්යාවක් මිය ගොස් තිබේ. ඉන් අඩකටත් වඩා කාන්තාවන් සහ දරුවන්ය.
