පාර්ලිමේන්තු මන්ත්රී දයාසිරි ජයසේකරගේ හැසිරීම සහ ඔහුගේ ක්රියාකලාපය ගැන පාර්ලිමේන්තු මන්ත්රී නීතිඥ සුනිල් වටගල සිදුකළ පැමිණිල්ලක් සම්බන්ධයෙන් විමර්ශනය කිරීමට ත්රිපුද්ගල කමිටුවක් පත් කළ බව කථානායකවරයා අද පාර්ලිමේන්තුවට දැනුම් දුන්නේය.
කථානායකවරයා පාර්ලිමේන්තුවට පැවසුවේ 2025 සැප්තැම්බර් 24 වනදා සභා ගර්භය තුළදී සිදුවූ සිදුවීමක් සම්බන්ධයෙන් සොයාබැලීම සඳහා මෙම කමිටුව පත්කළ බවය.
නියෝජ්ය කථානායක රිස්වි සාලි එම කමිටුවේ සභාපතිවරයා ලෙස නම් කර තිබේ. ග්රාමීය සංවර්ධන, සමාජ ආරක්ෂණ සහ ප්රජා සවිබල ගැන්වීමේ අමාත්ය ආචාර්ය උපාලි පන්නිලගේ මහතා සහ පාර්ලිමේන්තු මන්ත්රී රංජිත් මද්දුම බණ්ඩාර එහි සාමාජිකයින් ලෙස නම් කර ඇත.
“2025 සැප්තැම්බර් 24 වනදා සභා ගර්භය තුළදී පාර්ලමේන්තු මන්ත්රී නීතිඥ දයාසිරි ජයසේකර මහතාගේ ක්රියාකලාපය සම්බන්ධයෙන් මන්ත්රී නීතිඥ සුනිල් වටගල මහතා සැප්තැම්බර් 25 වනදා දින පැවැති පාර්ලිමේන්තු කටයුතු පිළිබඳ කාරක සභා රැස්වීමේදී ඉදිරිපත්කරන ලද පැමිණිල්ලක් සැලකිල්ලට ගෙන ඒ සම්බන්ධයෙන් විමර්ශනය කර වාර්තා කිරීම සඳහා නියෝජ්ය කථානායක රිස්වි සාලි සභාපතිත්වයෙන් ද පාර්ලිමේන්තු මන්ත්රී උපාලි පන්නිලගේ මහතාගේ සහ පාර්ලිමේන්තු මන්ත්රී රංජිත් මද්දුම බණ්ඩාර මහතාගේ සාමාජිකත්වයෙන් යුත්ත ත්රිපුද්ගල කමිටුවක් මා විසින් නම් කරන ලද බව දන්වනු කැමැත්තෙමි.”
