පාකිස්ථාන ප්රජාතන්ත්රවාදය බරපතල අන්දමින් හෑල්ලුවට ලක් කරමින් එරට මාධ්යවලට හිරිහැර කිරීම සම්බන්ධයෙන් හමුදා ප්රධානියාට දේශසීමා රහිත වාර්තාකරුවන් (RSF) චෝදනා එල්ල කර තිබේ. පසුගිය අප්රේල් මාසයේදී පාකිස්ථානයේ අග්රාමාත්ය ධූරය ෂෙහ්බාස් ෂරීෆ්ට හිමි වූ පසුව එරට මාධ්යවේදීන් බියගැන්වීමේ සිද්ධීන් නමයක් වාර්තා වී ඇති අතර ඒවාට සම්බන්ධ වී තිබුණේ හමුදාව සම්බන්ධ ආයතනයි.
මාධ්යවේදීන්ට හිරිහැර කිරීමේ සිද්ධීන් ගණනාවක් තමන්ට වාර්තා වූ බවත් එම සිද්ධීන්වල පොදු ලක්ෂණය වූයේ එම මාධ්යවේදීන් පාකිස්ථාන දේශපාලනය තුළ හමුදාවේ භූමිකාව විවේචනය කර තිබීම බවත් ආසියා පැසිෆික් හි ආර්එස්එෆ් ප්රධානී ඩැනියෙල් බාස්ටර්ඩ් පවසයි. පසුගිය මාස දෙක තුළදී මෙවන් සිද්දීන් වැඩි වශයෙන් වාර්තා වූ බවත් විවේචනාත්මක මාධ්යවේදීන් බිය ගැන්වීම සඳහා සන්න්ධ හමුදාවන් සහිත විශාල ව්යාපාරයක් දියත් කර ඇති බවට දත්තවලින් පැහැදිලිවන බවත් ඔහු සඳහන් කරයි.
“මාධ්යයට සිදු කරන මෙවැනි ඇඟිලි ගැසීම් වහාම නැවැත්විය යුතුයි. එසේ නොවුණොත් පාකිස්ථානයේ මාධ්ය නිදහස පිරිහීම සඳහා යුධ හමුදා මාණ්ඩලික ප්රධානී ජෙනරාල් කමර් ජාවෙඩ් බජ්වා සෘජුවම වගකිව යුතුයි..” ඔහු සඳහන් කරයි.
ඉතාම මෑතකදී වාර්තා වූ සිද්ධිය වන්නේ බීඕඑල් නිව්ස් වාර්තාකරු සාමි ඉබ්්රහිම්ට ජූලි 9 වැනිදා සිදු වූ පහරදීමයි. මාධ්ය ආයතනයෙන් පිටතදී පුද්ගලයින් තිදෙනෙකු ඔහුට පහර දී ඇති ඇති ඔවුන් පිටව ගොස් ඇත්තේ රජයට අයත් වාහනවල ඇති අන්දමේ කොලල පැහැති බලපත්ර තහඩුවක් ඇති වාහනයකිනි. එම පහරදීම රූගත කිරීමට එම පිරිස කටයුතු කර තිබේ.
හැකි ඉක්මණින් මාධ්ය නිදහස අහුරන මෙවැනි ක්රියා නවත්තන යැයි ආර්එස්එෆ් ඉල්ලා සිටියි.
