පාකිස්ථානයේ අයවැය ගැන විශේෂඥයින්ගෙන් අනතුරු ඇඟවීම්

දැඩි ආර්ථික අර්බුදයකට මුහුණ පා සිටින පාකිස්ථානය, පාකිස්ථාන රුපියල් ට්‍රිලියන 14.5ක අයවැයක් ප්‍රමාද වී එලිදක්වන ලද අතර ඉන් වැඩි කොටසක් ණයට ගැනීමෙන් අරමුදල් සපයා ගන්නා  බව නික්කෙයි ඒෂියා වාර්තා කරයි.
ආණ්ඩුව ‘වගකිවයුතු අයවැයක්’ සකස් කර ඇති බවට මුදල් අමාත්‍ය ඉෂාක් ඩාර් අවධාරණය කළ නමුත් විශේෂඥයින් හා නිළධාරීන් අනතුරු අඟවන්නේ, ජාත්‍යන්තර මූල්‍ය අරමුදලෙන් තීරණාත්මක සහය ලබා ගැනීමට මෙම අයවැය උදව්වක් නොවන බවයි.
දේශපාලන හා ආර්ථික අර්බුදවල ගිලී පවතින පාකිස්ථානයේ උද්ධමනය මැයි මාසයේදී සියයට 38කට ආසන්න විය. පසුගිය සඳුදා, මහ බැංකුව එහි මිණුම් දණ්ඩේ අනුපාතය වාර්තාගත අන්දමින් සියයට 21ක් ලෙස නොවෙනස්ව තැබුවේ උද්ධමනය ‘ඉහළටම’ ගොස් ඇති බවට තමන් ද විශ්වාස කරන බව පවසමිනි.
නමුත් එය මාසයක පමණ වටිනා විදේශ සංචිතවල සිරවී ඇති බැවින්, මිලියන 230 කට අධික ජනතාවක් වෙසෙන න්‍යෂ්ටික සන්නද්ධ දකුණු ආසියානු රට දුෂ්කර මාවතකට මුහුණ දෙන අතර ඉහළ ද්විපාර්ශ්වික ණය හිමි චීනය මත විශ්වාසය තැබීමට බල කෙරෙනු ඇත.