ශ්රියානි විජේසිංහ –
ඩෙංගු රෝගයෙන් ආරක්ෂා වීම සදහා සුදුසු ලා පැහැති දිග ඇඳුමක් පාසල් නිල ඇඳුමට යටින් ඇදීමට බස්නාහිර පළාතේ සියලුම පාසල් දරුවන්ට බස්නාහිර පළාත් අධ්යාපන අමාත්යංශය අවසර දි ඇති බව ඩෙංගු මර්ධන වැඩසටහනේ අධ්යක්ෂ විශේෂඥ වෛද්ය නලීන් ආරියරත්න සඳහන් කරයි.
.මේ අනුව පාසල් නිල ඇදුමට යටින් සිරුර ආවරණය වන පරිදි ලා පැහැති ඇදුමක් ඇදීමට දරුවන්ට අවසර හිමිවන බව වෛද්ය ආරියරත්න පැවසුවේය.
පසුගිය බදාදා දිනයේදී රැස්වූ ඩෙංගු අනු කමිටුවේදී මේ පිලිබදව දීර්ඝ වශයෙන් කථා කළ අතර අනුකමිටුවේ සභාපතිනි විශේෂඥ වෛද්ය සීතා අරඹේපොල දරුවන් ඩෙංගු මදුරුවාගෙන් ආරක්ෂා වීම සදහා මෙම අදහස ඉදරිපත් කළාය.
බස්නාහිර පළාත තුළ ක්රියාත්මක මෙම වැඩපිළිවෙළ ඉදිරියේදී අනෙකුත් පළාත්වලද ක්රියාත්මක කිරීම සම්බන්ධයෙන් අදාල අංශ සමග සාකච්ඡා පවත්වන බවද අධ්යක්ෂවරයා පැවසුවෙය.
ඩෙංගු රෝගීන්ගේ සංඛ්යාව සීග්රලෙස ඉහළ යාම සහ වාර්තාවන රෝගීන්ගෙන් සියයට 25ක් පාසල් දරුවන් වීම හේතුවන් මෙම පියවරයන් ගන්නා බවද වෛද්යවරයා කීවේය.
