ත්රී කුණාමලය ශ්රී බුද්ධ ජයන්ති බෝධිරාජ විහාර භූමිය හා බැඳුන බුදුපිළිම වහන්සේ සම්බන්ධව ප්රශ්නය සහ ඊට ගැටගැසී තිබූ සියලුම ගැටලු මුළුමනින්ම විසඳා ඇති බවත් දැන් නටන්නේ නැතිව ඉන්න ලෙසත් ජනාධිපතිවරයා අද ( 18) අය-වැය විවාදය අතර පාර්ලිමේන්තුවට පැමිණ පාර්ලිමේන්තුව අමතමින් ප්රකාශ කළේය.
ජනාධිපතිවරයා දැඩි ලෙස අවධාරණය කළේ මේ ප්රශ්නය මත ගිනි අවුලවමින් හනුමන්තා සේ නටන ජාතිවාදී දේශපාලනය ගැන දන්නා බවත්, එම ජාතිවාදී ගිනි මතින් යළි මේ රටේ වර්තමාන දේශපාලනය හෝ අනාගත දේශපාලනය ලියැවෙන්නේ නැති බව දැඩිව අවධාරණය කළේය.
ත්රී කුණාමලය බුදු පිළිම ගැටලුව සම්බන්ධ ජනාධිපතිවරයා මෙසේ පැහැදිලි කළේය.
දේශපාලනය සම්බන්ධව සාධනීය බලවේගයක් ගොඩනැගීමට අවස්ථාවක් නැති වෙනකොට ඒ අයගේ අවස්ථාවක් බවට පත් වෙලා තිබෙන්නේ ජාතිවාදී අවස්ථාවන් නිර්මාණය කරගැනීම.
ඒ නිසා පොලිසිය නීතිය වගේම මේ වගේ ප්රශ්නවලදී මේ වගේ ප්රශ්නවලටත් අවධානය යොමු කළ යුතුයි.
නීතිය වගේම මේ වගේ ප්රශ්න හරහා ඇති විය හැකි සමාජ කැළඹීම් සම්බන්ධය අවධානයක් ඇතිවයි නීතිය ක්රියාත්මක කරන්න වෙන්නේ. සමහර ක්ෂේත්ර තියනවා අපට ඒ බැඳුන දේශපාලන ක්රියාකාරකම් ගැන සැලකිල්ලට භාජනය කළ යුතුයි.
මේ ප්රශ්නයේ දී දැනටමත් මම මහජන ආරක්ෂක ලේකම්වරයාට කිව්වා නිශ්චිත තත්ත්වය වාර්තාවක් එවන්න කියලා වාර්තාවක් කැඳවලා තියනවා. ඒ වගේම මහජන ආරක්ෂක ඇමති තුමා මේ ආරක්ෂාව පිළිබඳව මේ බුදු පිළිමය වැඩමවෙව්වා කියන තර්කය ගෙනාවේ 11.40ට. අදාල පොලිස් ස්ථානයේ මේ බුදු පිළිමය වැඩම කිරීම සම්බන්ධව දාලා තිබෙන සටහන පිළිබඳව තියනවා.
එම නෝට් එකේ පැහැදිලිවම තියනවා ආරක්ෂාව සඳහා තමයි මේ පිළිමය මෙතැනට වැඩම්මෙව්වෙ කියලා. ඒක මා ගාව තියනවා.
හැබැයි ඊලඟ තියන්නේ මොකක් ද?. මේ බුදු පිළිම වහන්සේ පොලිස් ස්ථානයට වැඩම කර තිබෙනවා නම් ඊලඟට ගැටුම එන්නේ පොලිසිය සහ ජාතිවාදී කණ්ඩායම් අතර. ඒක තමයි ඔවුන්ට තියෙන ලොකුම අවස්ථාව. ඒ නිසා තමයි පිළිමය එතෙන්ට වඩම්මවලා අදාල ආරක්ෂාව ලබා දීලා තිබෙන්නේ.
දැන් ප්රශ්නය තියනවා අධිකරණයෙ. ඊට පෙර ඊයේ දිසාපති කාර්යාලයේ සාකච්ඡාවක් පැවැත්විලා තියනවා. ඔබ කී විදිහටම පැරණි ඔප්පුවක් තියනවා. ඒ වර්ෂ 2014 දි. බලපත්රයක්. එතැන් සිට මෑත කාලයේ දි එම ස්ථානය විහාරස්ථානයක් ලෙස භාවිතා වෙලා නෑ. භාවිතා වෙලා තියෙන්නේ ආපන ශාලාවක් හැටියට.
ඒ ආපන ශාලාවේ ඉදිකිරීම් පිළිබඳ ප්රශ්නයක් පැන නැගිලා එම ආපන ශාලාවේ නීති විරෝධී ඉදිකිරීම් තියනවා කියලා එම ආපන ශාලාව නීති විරෝධී ඉවත් කිරීම් පිළිබඳව වෙරළ සංරක්ෂණ අධිකාරියේ අධ්යක්ෂ ජනරාල්වරයා නියෝගයක් ලබා දීලා තිබුණා. ඒ නියෝගයට එරෙහිව අභියාචනාවක් කරලා තිබුණා පරිසර අමාත්යාංශයට. පරිසර අමාත්යාංශ ලේකම්වරයාත් එය ඉවත් කළ යුතුයි කියන ස්ථාවරය සඳහන් කරලා තිබුණා
ඊට පස්සේ පොලිසිය වෙරළ සංරක්ෂණ අධිකාරිය, නාගරික සංවර්ධන අධිකාරිය එක්ක කළ සාකච්ඡාවක දී හාමුදුරුවන්වහන්සේ ඉල්ලීමක් කරලා තිබුණා තව සතියක කාලයක් දෙන්න… උන් වහන්සේ අපේක්ෂා කරනවා අභියාචනාධිකරණයට යන්න කියලා.
කාලය දෙනවා. ඒ කාලය ඉවර වෙන්නේ 14 වැනිදට. හැබැයි ඒ කාලය ඉවර වෙලා 16 වැනිදා තමයි මේ සිද්ධිය වෙන්නේ. එතකොට මේක ආගමික ස්ථානයක් පිහිටුවීම වගේම වෙනත් කතාවකුත් මේක පිටුපස්සෙ තියන බව පේනවා.
අපි එතන විහාරස්ථාන භූමියක් කියලා තිබුණත් පොදු ජනතාව හිතන්න පුලුවන් එතන විහාරයක් තිබුනා කියලා. නෑ… හාමුදුරුවන්වහන්සේට හිමිකමක් සහිත ඉඩමක් තිබුණා. නමුත් එතන ආගමික වතාවත් කරන ස්ථානයක් තිබුණෙ නෑ. ඕක තමයි ඇත්ත කතාව.
නමුත් සිද්ධිය වුනාට පස්සේ දිසාපති කාර්යාලයේ සාකච්ඡාවක් තිබුණා. දිසාපති කාර්යාලයේ සාකච්ඡාවේදි එකඟතාවයට ආවා නියමිත මිනින්දෝරුවෙක් දාලා මේ ඉඩමේ හරියට මැනුම් කටයුතු කරලා වෙරළ සංරක්ෂණයට අයිති කොටස වෙන් කරලා දෙන්නත් පන්සලට අයිති භූමිය නම් කරලා දෙන්නත් ඊයේ සාකච්ඡාවකට ආවා.
මේ සාකච්ඡාවත් සමග පරණ නඩුවත් එක්ක මේක අධිකරණයට ආවා. අධිකරණයෙන් දැන් දීලා තියන නියෝගය තමයි අලුත් ඉදිකිරීම් කිසිවක් කරන්න එපා. තිබෙන ඉදිකිරීම් ඉවත් කරන්නත් එපා. අධිකරණයෙන් තීන්දුවක් ලබා දුන්නට පසුව පන්සලට හිමි භූමිය වෙන් කරලා දුන්නට පස්සේ ඒකේ ඒ අදාල වැඩ කටයුතු කරන්න පුලුවන්.
හැබැයි දැන් තියෙන්නේ මොකක් ද?. දැන් ඇත්තටම ගත්තොත් සිදුවීම අවසන්. අධිකරණ නියෝගයක් දීලා තියනවා නැවත අලුත් ඉදිකිරීම් කරන්න එපා. බුදු පිළිම වහන්සේ වැඩම ඉන්න. අපි නිරාකරණය කරලා ඉඩම බේරලා දෙන්නම් කියලා.
ජනාධිපතිවරයා මේ පැහැදිලි කිරීමෙන් අනතුරුව මෙසේ ඇසුවේය.
දැන් තවත් නටන්නේ ඇයි. ?
නෑ… මම මේ කියන්නේ… දැන් නටන්නේ මොකට ද?. මෙතන තමයි තියන ප්රශ්නය. ජාතිවාදී කණ්ඩායම් මේක දැන් අවස්ථාවක් මතු වුනා. දැන් ගිනි තියන්න පුලුවන් හනුමා වලිගෙට ගිනි තියා ගත්තා වගේ. දැන් මොකද කරන්නේ. මේක හැම තැනම ගිනි තියාගෙන යනවා.
ඒ නිසා අපි ඉතාම ශක්තිමත් ස්ථාවරයක ඉන්නවා. මේ ජාතිවාදයට නම් ඉඩ දෙන්නේ නෑ… ඒක හැම මහත්මයාම තේරුම් ගන්න. මම නෙමෙයි. මේ රටේ බෞද්ධ ජනතාව ඉඩ දෙන්නෙත් නෑ. මේ රටේ හින්දු කතෝලික මුස්ලිම් පොදු ජනතාව ජාතිවාදයට ඉඩ දෙන්නේ නෑ.
ඒ නිසා කවුරුහරි උත්සාහ කරනවා නම් නැවත පැරණි ජාතිවාදී නාඩගම් මේ රටේ ඇති කරන්න ඒක ඉතිහාසයම විතරයි. ඒ මහත්තුරු හොඳට තේරුම් ගන්න ඕන. ඒක වර්තමානයත් නොවෙයි. ඒක අනාගතයත් නොවෙයි. අපේ රටේ අනාග දේශපාලන නායකත්වය ජාතිවාදය මත ලියැවෙන්නේ නැති බව වර්තමාන දේශපාලන නායකත්වය ජාතිවාදයෙන් ලියැවෙන්නේ නැති බව ඒ මහත්වරු තේරුම් ගන්න ඕන.
ජනාධිපතිවරයා අවධාරණය කළේය.
