පහ ශ්රේණිය ශිෂ්යත්ත්ව විභාග ප්රශ්න පත්ර කඩිනමින් විසිඳිය යුතු බව කියමින් දරුවන්ගේ දෙමව්පියන් සිය ගණනක් අද අධ්යාපන අමාත්යාංශයේ ඉසුරුපාය ඉදිරිපිට විශාල උද්ඝෝෂණයක් ආරම්භ කර තිබිණි.
මීට සමගාමීව රට පුරා උද්ඝෝෂණ මාලාවක් ද ශිෂ්යත්ව විභාගයට පෙනී සිටි දරුවන්ගේ දෙමව්පියන් විසින් සංවිධානය කර තිබිණි.
නව රජය බලයට පත් වූ පසු පැවැත්වූ පළමුවැනි විශාලම උද්ඝෝෂණය මෙයය.
උද්ඝෝෂක දෙමව්පියන් පවසා සිටින්නේ දැන් මෙම ශිෂ්යත්ව විභාගය පිළිබඳ ඇති විශ්වාසය බිඳී ගොස් ඇති බවය. පිටවී ඇතැයි විශ්වාස කරන ප්රශ්න තුනක් වෙනුවෙන් පූර්ණ ලකුණු දී මේ ප්රශ්නය විසඳා ගත නොහැකි තැනක තිබෙන බවත් දරුවන්ගේ හීන බොඳ නොකර විභාගය යළි පවත්වන ලෙසත් ඒ දෙමව්පියෝ නව රජයෙන් ඉල්ලති.
රජයේ තීරණය වූයේ පිටවි ඇති බව තහවුරු වී ඇත්තේ ප්රශ්න තුනක් පමණක් බව අපරාධ පරීක්ෂණ දෙපාර්තමේන්තුවේ විමර්ශන ඔස්සේ තහවුරු වී ඇති බැවින් වයස අවරුදු 10ක දරුවෙකුට දරාගත නොහැකි විභාග පීඩනයක් ඇති කරමින් නැවත වරක් ශිෂ්යත්ව විභාගය පැවැත්වීම වෙනුවට පිටවුන ප්රශ්න තුනට සියලුම සිසුන්ට ලකුණු ලබාදිමට ය. එය දෙස් විදෙස් විශේෂඥ ඇගයීම් කමිටුවක් ඔස්සේ සිදුකළ විමර්ශනයක දී නිර්දේශ කර ඇති බවය..
කෙසේ වෙතත් අධ්යාපන අමාත්යාංශයේ ලේකම් තිලකා ජයසුන්දර පවසන්නේ විරෝධතාවයේ නිරත දෙමව්පියන් කිහිප දෙනෙකුට සාකච්ඡාවක් සඳහා කැඳවා අධ්යාපන අමාත්යාංශයේ ස්ථාවරය පැහැදිලි කර දෙන බවය.
