අද දිස්ත්රික්ක පහකට පමණක් සීමා කළ වැඩ වර්ජනය හෙට (21) සිට දීපව්යාප්තව පැවැත්වෙන බව රජයේ වෛද්ය නිලධාරීන්ගේ සංගමය පවසයි.
ඉල්ලීම් හතක් මුල්කරගෙන හෙට උදෑසන 8.00 සිට එම වැඩවර්ජනය ක්රියාත්මක කෙරෙන ඔවුහු කියති.
අද දින රැස්වු රජයේ වෛද්ය නිලධාරීන්ගේ සංගමයේ හදිසි මධ්යම කාරක සභාව
- නිත්යානුකූල වෛද්ය මාරු මණ්ඩල වල අනුමැතියෙන් තොරව විශේෂඥ වෛද්යවරුන්ගේ පත්වීම් ලැයිස්තු සැකසීම
- නිත්යානුකූල වෛද්ය මාරු මණ්ඩල වල අනුමැතියෙන් තොරව ශ්රේණි වෛද්යවරුන්ගේ අනුයුක්ත කිරීම් සිදු කිරීම
- 2022 වාර්ෂික ස්ථානමාරු ලැයිස්තුව ප්රකාශයට පත් නොකිරීම
- රාජිත සේනාරත්න වෛද්ය පරිපාලන ශ්රේණියේ නිවැරදි ක්රමවේදයෙන් තොරව සිදු කළ කාරණා නිවැරදී කිරීමට ලබාදුන් කැබිනට් අනුමැතිය ක්රියාත්මක නොකිරීම
- ශ්රී ලංකා වෛද්ය සභාවේ නිළවරණයට අදාල ගැසට් පත්රය නිකුත් නොකිරීම
- ජාතික වැටුප් ප්රතිපත්තිය උල්ලංඝණය කිරීම
- සෞඛ්ය අමාත්ය කෙහෙලිය රඹුක්වැල්ල මහතා ලිපි ශිර්ෂය භාවිතා කරමින් සෞඛ්ය අමාත්යංශය තුළ කාණ්ඩ අතර ගැටලු ඇති වන ලෙස වැටුප් සම්බන්ධ ප්රතිපත්ති උල්ලංඝණය කිරීම
යන කාරණා මුල් කරගෙන සිදුකළ දීර්ඝ සාකච්ඡාවකින් පසු හෙට උදෑසන 8.00 සිට දීප ව්යාප්ත වෛද්ය වර්ජනයක් ආරම්භ කිරීමට තීරණය කරන ලද බව නිවේදනය කර ඇත.
දිවයින පුරා සියලුම රෝහල් වල වෛද්යවරුන් අදාළ රෝහල් වල හදිසි ප්රතිකාර සේවා කටයුතු කිසිදු අවහිරයකින් තොරව අඛණ්ඩව සිදු කිරීමට කටයුතු කරන බවත් එම නිවේදනයේ දැක්වේ.
මීට අමතරව සේවාවන්හි සුවිශේෂි බව සලකා මාතෘ රෝහල්, ළමා රෝහල්, පිලිකා රෝහල් හා වකුගඩු රෝගී ප්රතිකාර ඒකක වල මෙම වැඩ වර්ජන ක්රියාමාර්ගය ක්රියාත්මක නොවන අතර කොවිඩ් ප්රතිකාර සේවා හා කොවිඩ් එන්නත්කරණය කිසිදු බාධාවකින් තොරව පවත්වා ගෙන යන දන්වා තිබේ.
අද දින ක්රියාත්මක වූ පැය 24ක වෛද්ය වැඩ වර්ජනයෙන් මන්නාරම, ත්රීකුණාමලය, නුවරඑළිය, රත්නපුර හා පොලොන්නරුව දිස්ත්රිකකවල රෝහල් රෝගීන් දැඩි අපහසුතාවයකට පත් වූ බව වාර්තා විය.
