දේශීය ණය ප්රශස්තකරණය සම්බන්ධයෙන් රජය තවමත් අවසන් තීරණයක් ගෙන නොමැති බව මුදල් රාජ්ය අමාත්ය ෂෙහාන් සේමසිංහ සඳුදා (19) පැහැදිලි කළේය.
ජනාධිපති මාධ්ය කේන්ද්රයේ ඊයේ පැවති ප්රවෘත්ති සාකච්ඡාවකදී මේ බව ප්රකාශ කළේය.
අමාත්යවරයා මෙසේද කියා සිටියේය.
“දේශීය ණය ප්රශස්තිකරණ වැඩසටහන සම්බන්ධයෙන් තවමත් අවසන් තීරණයක් ගෙන නැහැ. නමුත් රජයක් විදියට අපි හැමවිටම සංවේදී කාරණාවලට වගකීමෙන් ප්රවේශ වෙනවා. ජනාධිපති රනිල් වික්රමසිංහ මහතා දේශීය ණය ප්රශස්තකරණය සම්බන්ධයෙන් ද පාර්ලිමේන්තුවේදී කරුණු දැක්වූවා. මහ බැංකුව සහ මුදල් අමාත්යාංශය ඔවුන්ගේ ස්ථාවරය පිළිබඳව පැහැදිලි කිරීම් සපයා ඇත. අපගේ අවධානය යොමු වී ඇත්තේ තීරණාත්මක වන ස්ථාවරත්වයට සෘණාත්මක බලපෑමක් ඇති නොකර අපේ රටේ බැංකු සහ මූල්ය පද්ධතිය ප්රශස්ත කිරීම සඳහා විසඳුම් සෙවීමටයි. ඒ අනුව රට තුළ විවිධ තොරතුරු සහ නිවේදන නිකුත් වෙමින් පවතී.
රජය අවසන් තීරණයකට එළැඹුණු පසු අපි පාර්ලිමේන්තුවටත් මහජනතාවටත් දැනුම් දීමට සූදානම්. මෙය වෙළෙඳපල තත්ත්වයට සැලකිය යුතු ලෙස බලපාන අතිශය සංවේදී කාරණයකි. එබැවින්, මෙම ප්රශස්තකරණය සම්බන්ධයෙන් සැක මතු කරන ප්රකාශ කිරීමෙන් වැළකී සිටීම අත්යවශ්ය වන අතර, එය අපගේ මූල්ය වෙළඳපොලේ ස්ථාවරත්වය පවත්වා ගැනීමට උපකාරී වේ. මේ සම්බන්ධයෙන් අප සියලු දෙනාම වගකීමෙන් කටයුතු කළ යුතුයි. ජනාධිපතිවරයාගේ ප්රංශ සංචාරයෙන් පසුව, විශේෂයෙන්ම විදේශ ණය ප්රතිව්යුහගත කිරීම සම්බන්ධයෙන් මෙම කරුණු පිළිබඳව වඩා හොඳ අවබෝධයක් ලබා ගැනීමට අපි අපේක්ෂා කරමු.
රජය විසින් ක්රියාත්මක කරන වත්මන් ආර්ථික වැඩපිළිවෙළ සම්බන්ධයෙන් දේශපාලන වේදිකාවල විවේචන එල්ල වී තිබෙනවා. කෙසේ වෙතත්, විවේචනය කරන කණ්ඩායම්වලට අවශ්යතාවයක් හෝ සැලැස්මක් තිබේ නම් සහ හැකියාවක් තිබේ නම්, එම අභියෝගයට මුහුණ දීමට ඔවුන්ට අවස්ථාව තිබෙනවා. එම අභියෝගය භාරගෙන ඇත්තේ ජනාධිපති රනිල් වික්රමසිංහ මහතා පමණයි. ඔහු ජනාධිපති ධුරයට පත්වීමෙන් පසු රට ලබා ඇති ප්රගතිය ජනතාවට දැනුම් දී ඇත. ජනතා අවශ්යතා ඉටු කිරීමට වගකිව යුතු නායකයින් තම යුතුකම් ඉටු කරන අතරේ මේ වගකීම භාර නොගත් පිරිස් දිගින් දිගටම විවිධ ප්රකාශ කරනවා. විශේෂයෙන්ම ජනතා විමුක්ති පෙරමුණේ වේදිකාව ආර්ථිකය කළමනාකරණය සම්බන්ධයෙන් විවිධ මත පළකර තිබෙනවා. නමුත් මේ කිසිම ප්රකාශයකින් රට ගොඩනැගීමේ ප්රායෝගික අදහස් හෝ වැඩපිළිවෙළක් ඉදිරිපත් වෙන්නේ නැහැ.
ජාත්යන්තර මූල්ය අරමුදලේ (IMF) මැදිහත්වීම මත විශ්වාසය නොතබා ආර්ථික අර්බුදයට විසඳුම් සෙවීම මෙහි අරමුණයි. රජය උත්සාහ කරන්නේ බාහිර මූල්ය ආධාර නොමැතිව තමන්ගේම වැඩසටහනක් හරහා අභියෝගවලට මුහුණ දීමට සහ අර්බුදය ජය ගැනීමට ය.
ජාත්යන්තර මූල්ය අරමුදලේ සහය නොමැතිව විසඳුමක් ලබා දීමේ ප්රකාශයන් ඇතත්, එවැනි ප්රකාශවල කිසිදු හරයක් නොමැති බව ගම්ය වේ. අප මුහුණ දුන් අභියෝගාත්මක කාලය ක්රමක්රමයෙන් අවසන් වෙමින් පවතින අතර, රජයේ වැඩපිළිවෙළ තුළින් වඩා හොඳ ප්රගතියක් අත්කර ගනු ඇතැයි විශ්වාසයක් පවතී.
වසර අවසන් වන විට ඍණ වර්ධන වේගය -7.8 සිට -3 දක්වා අඩු වනු ඇතැයි IMF පුරෝකථනය කරයි. කෙසේ වෙතත්, රජයේ කැපවීම සහ උත්සාහයන් 2024 දී ධනාත්මක වර්ධනයන් කරා ගෙන යනු ඇතැයි අපේක්ෂා කෙරේ.
රජය මෙතෙක් බලාපොරොත්තු වූවාට වඩා වැඩි ප්රතිඵල අත්කර ගෙන ඇති අතර, රජය කළ කැපවීම දිගටම පවත්වා ගැනීම වැදගත්ය.
විනිවිදභාවය, දූෂණයට එරෙහිව සටන් කිරීම සහ වංචාව සම්බන්ධයෙන් රටේ ප්රගතිය ජාත්යන්තර අවධානයට ලක්ව ඇත. අදින් ඇරඹෙන පාර්ලිමේන්තු සතිය, ශ්රී ලංකාවේ ආර්ථිකය, පරිපාලන ව්යුහය සහ මූල්ය පද්ධතිය කෙරෙහි විශ්වාසය වැඩි කිරීමට අපේක්ෂා කෙරේ. රටේ ඉදිරි ගමනට දායක වන අයවැය කාර්යාල පනත් කෙටුම්පත සහ දූෂණ විරෝධී පනත් කෙටුම්පතක් පාර්ලිමේන්තුවේදී විවාදයට ගෙන සම්මත කර ගැනීමට නියමිතය.
රටේ මූල්ය වෙළෙඳපොළේ ශක්තිය ඉහළ නැංවීමට සහ ආයෝජන ආකර්ෂණය කර ගැනීමට මෙම පනත් සම්මත කිරීම ඉතා වැදගත් වේ. එය ශ්රී ලංකාව පිළිබඳ ශ්රේණිගත කිරීමේ ආයතනවල අදහස් වෙනස් කිරීමට ද හේතු විය හැක. සැප්තැම්බර් මාසයේදී IMF සමඟ පළමු සමාලෝචනය සිදු කරන ලද ප්රගතිය සහ දැනට ක්රියාත්මක වන වැඩසටහන ප්රදර්ශනය කරනු ඇත. ආදායම් මට්ටම්වල සුළු අඩුවීමක් සඳහා දැනටමත් විකල්ප ක්රියාමාර්ග ගෙන ඇත. එහි ප්රතිඵල ජනතාවට දැනෙන්නට තවත් කාලයක් ගත විය හැකි වුවද සමස්තයක් වශයෙන් ගත් විට රට තුළ ආර්ථික ක්රියාවලිය සාර්ථකව ක්රියාත්මක වෙමින් පවතී.
රජයක් ලෙස අපි මේ වැඩපිළිවෙළ ඉදිරියට ගෙන යාමට කැපවී සිටිනවා. ස්ථාපිත දේශපාලන හා සමාජ ස්ථාවරත්වය අස්ථාවර කිරීමට ඕනෑම විරුද්ධත්වයක් හෝ උත්සාහයක් පෙර වසරේ දුර්වල ආර්ථිකය තුළ අත්විඳින ලද ප්රතිවිපාකවලට වඩා නරක ප්රතිවිපාක ඇති කළ හැකිය. කෙටි කාලීන අභියෝග මධ්යයේ වුවද, පැහැදිලි අනාගතයක් සහතික කරමින් සහ එවැනි අර්බුද යළි ඇති වීම වළක්වා ගනිමින් රට නව මාවතකට යොමු කිරීමට සියලු දෙනාගේ සහාය අවශ්ය වේ.
