-
ප්රශ්නයක් නැතිනම් බැංකු පද්ධතිය වසාගෙන ණය ප්රතිව්යුගතකරණයට යන්නේ ඇයි?… ඒකාබද්ධ ජනතා ව්යාපාරය අසයි…
දේශීය ණය ප්රතිව්යූහගතකරණය හරහා අර්ථ සාධක අරමුදලට හා ජනතාවගේ තැන්පතුවලට අත තැබීමට එරෙහිව අද (26) ශ්රේෂ්ඨාධිකරණයේ නඩුවක් ගොනු කරන බව ජාතික ජනබලවේගයේ විධායක සභික, ඒකාබද්ධ ජනාතා ව්යාපාරයේ සම සභාපති වසන්ත සමරසිංහ අද (26) මාධ්ය හමුවකදී පැවසීය.
සේවක අර්ථසාධක අරමුදලෙන් රුපියල් බිලියන 4000ක්, රාජ්ය බැංකු පද්ධතියෙන් රුපියල් බිලියන 3500ක්, පෞද්ගලික බැංකුවලින් රුපියල් බිලියන 2400ක්, මහ බැංකුවෙන් රුපියල් බිලියන 2600ක් ආදී ලෙස ආණ්ඩුව ණය ගෙන ඇති බවත් දේශීය ණය ප්රතිව්යූහගත කරණය යනු මේ ආණ්ඩුව ගත් ණයෙන් කොටසක් කපා හැරීම නොවේනම් වෙන කුමක්දැයි වසන්ත සමරසිංහ මෙහෙදී ප්රශ්න කළේය.
මෙම ණය ප්රතිව්යුහගතකරණ ක්රියාවලිය සමාන්ය සංසිද්ධියක් නම් බැංකු නිවාඩු දමා රට වසා එය සිදුකරන්නේ අහවල් දෙයක් සඳහාදැයි ඔහු මහබැංකු අධිපතිවරයාගෙන් ප්රශ්න කළේය.
වසන්ත සමරසිංහ මාධ්ය අමතා මෙසේ ද පැවසුවේය.
“එළඹෙන 30 වැනිදා බැංකු පද්ධතියටම නිවාඩු දීම සරල කාරණාවක් නොවෙයි. 29 වැනිදා බැංකු නිවාඩු. 30 වැනිදා රජය බැංකු නිවාඩු දිනයක් බවට පත් කරනවා. 1 සහ 2 සෙනසුරාදා සහ ඉරිදා. 3 වැනිදා ඇසළ පොහොය. දවස් 5ක් නිවාඩු. “
“මේ කාලය ඇතුළත රටේ බැංකු පද්ධතියෙන්, සේවක අර්ථසාධක අරමුදලෙන්, රක්ෂණ අරමුදලෙන්, රටේ ජනතාව පෞද්ගලික ආයෝජනය කළ මුදල්වලින් ආණ්ඩුව ගත් ණය ගෙවීම පිළිබඳවන යෝජනාව ඉදිරිපත් කරන්න හදන්නේ.
“මේ නිවාඩු අරගෙන සූදානම් වෙන්නේ දේශීය ණය ප්රතිව්යූහගතකරණය කියමින් ආණ්ඩුව ගත් ණයවලින් කොටසක් කපා හැරීම පිළිබඳ ප්රකාශයට පත් කිරීමටයි. නමුත් මහබැංකු අධිපතිවරයා කියන්නේ තැන්පතුවලට, පොළියට ගැටලුවක් නොවන බවයි. කාටවත් අර්බුදයක් නොවන බවයි. ඒසේනම් ඇයි දිනයක් නිවාඩු බවට ප්රකාශ කරලා බැංකු වසා දමන්නේ? දවස් 5ක් ඒක දිගට නිවාඩු දෙන්නේ ඇයි? ජනතාව කලබලයට පත්වෙලා බැංකුවලට ඒයි කියලයි මේ නිවාඩු දෙන්නේ. “
“මේ රටේ ආර්ථික ක්රියාවලියේ දැල බවට පත් වෙලා තිබෙන්නේ බැංකු සහ මූල්ය ක්ෂේත්රය. අයෝජකයන්ට ණය ගැනීමට තිබෙන තැන වන්නේ බැංකු ආයතන, ජනතාවගේ තැන්පතු තිබෙන්නේ බැංකුවල. රනිල් වික්රමසිංහලා මහබැංකුව කඩා දැමුවා සේ මහ බැංකු අධිපතිවරයා ඇතුළු පිරිස බැංකු පද්ධතියේ ඉතිරි කොටසත් විනාශ කර දැමීමට හදනවා.”
“ආණ්ඩුවට අපි කියන්නේ ජනතාවගේ බැංකු තැන්පතු කැපීමේ තීරණයට අත උස්සන්න ඒපා කියලා. මේ රටේ මහ බැංකුව කැඩුවේ රනිල්ලා – රාජපක්ෂලා ඒකතු වෙලා. කඩපු සල්ලි ඇලෝසියස්ලා ඒක්ක ඒකතු වෙලා බෙදාගත්තු ලයිස්තු තිබෙනවා. ඒ්වාට දඬුවම් නෑ. සීනි හොරා කාපු මිනිස්සුන්ට දඬුවම් නෑ. මේ රටේ මිනිස්සු බැංකුවෙ තැන්පත් කළ මුදල් , තමන්ගේ ඊට්ඒෆ්, ඊපීඒෆ් මුදල් බැංකුවේ තැතැන්පත් කරලා තිබෙන්නේ ආණ්ඩුවට ණය ගෙවාගන්න බැරි වුණාම කපලා දාන්න නෙවෙයි. “
ඔහු කීවේය.
