20 දෙනෙක් අනතුරට ලක් කරමින් 05 දෙනෙක් අසාධ්ය තත්ත්වයට ඇද දමමින් අද (26) උදේ 10ට පමණ ඇළියගොඩදී බිහිසුණු බස් අනතුරක් සිදුවී තිබේ.
රත්නපුර – කොළඹ ප්රධාන මාර්ගයේ පුස්සැල්ල පුහුණු මධ්යස්ථානය අසලදී අධික වේගයෙන් පැමිණි පෞද්ගලික බස්රථයක් පාරෙන් ඉවතට ලිස්සා විත් නවතා තිබු සුඛෝපභෝගී බස්රථයක පිටුපස ගැටීමෙන් මෙම අනතුර සිදුව තිබිණි. .
අනතුරින් පුද්ගලයින් 20දෙනෙකු පමණ තුවාල ලබා තිබිණි. තුවාල ලැබූවන් අතර පදිකයන් පිරිසක් ද වෙති.
රෝහල් ආරංචි මාර්ග පවසන්නේ රෝහල්ගත කළ පස්දෙනෙකුගේ තත්ත්වය බරපතල බවය.
නවතා තිබූ බස් රථයේ ගැටී ඉදිරියට ඇදී යන බස් රථය මාර්ගයේ නවතා තිබු යතුරුපැදියක් හා වෑන් රථයකට ද හානි සිදුකර තිබිණි.
අනතුර සිදුවන ආකාරය දෙරණ රූපවාහිනිය වාර්තා කර තිබුණේ මෙසේය.
