දිනසේන රතුගමගේ –
දෙමළ දේශපාලන පක්ෂ හා දෙමළ ස්වේච්ඡා සංවිධානවල බෙදීම් නිසා අද ( 18 ) උතුරු නැගෙනහිර පුරා ක්රියාත්මක කිරීමට ගිය හර්තාල් ව්යාපාරය සාර්ථක නොවුන බව උතුරු නැගෙනහිර ආරංචි මාර්ග සනාථ කරයි.
ඉලංකෙයි තමිල් අරුසු කච්චි පක්ෂය විසින් මෙම හර්තාලය ප්රකාශයට පත් කොට තිබූ අතර එම පක්ෂයේ එම්.ඒ.සුමන්තිරන් මන්ත්රීවරයා එහි මූලිකත්වය ගැනීම කෙරෙහි විශාල අප්රසාදයක් ගොඩ නැගීම නිසා හර්තාලය සාර්ථක නොවුන බව අනාවරණය විය.
ඉලංකෙයි තමිල් අරුසු කච්චි පක්ෂය බලවත්ව පවතින වවුනියාව වැනි ප්රදේශ වල හර්තාලයට සහය ලබා දෙමින් වෙළඳසැල් විශාල ප්රමාණයක් වසා දමා තිබූ නමුත් උතුරු නැගෙනහිර අනෙක් පළාත්වල බහුතරයක් වෙළද සැල් විවෘතව පවත්වා ගෙන යාම නිසා එම නගර වල තත්ත්වය සාමාන්ය අන්දමට සිදු විය.
හර්තාලයට සහය ලබා දීම පිණිස පෞද්ගලික බස් රථ ධාවනයෙන් වළකින ලෙසද පාසල් විවෘත නොකරණ ලෙසද ඉල්ලා තිබූ අතර ඒ අංශ වල විශාල බිඳ වැටීමක් දැක ගැනීමට නොහැකි විය.
බොහෝ දෙමව්පියන් පළාතේ ගමනාගමන කටයුතු අඩපණවීම නිසා තම දරුවන්ට පාසල් ගොස් යළි නිවෙස් වලට පැමිණීමේදී අතරමංවීමට සිදුවනු ඇතැයි යන බිය හා සැකය මත සිය දරුවන් පාසල් වලට යැවීමෙන් වැළකී සිටියහ.
හර්තාලය ක්රියාත්මක වූ පළාත්වල එම හර්තාලය නගරයට පමණක් සීමා වු අතර ගම්බද පළාත්වල එදිනෙදා සාමාන්ය කටයුතු යථා පරිදි පැවැත්වුණි.
මුලතිව් මුත්තයන්කට්ටු ප්රදේශයේදි යුද හමුදා සාමාජිකයින් විසින් පහර දීම නිසා දෙමළ තරුණයෙකු මියගිය බව ප්රකාශ කරමින් හා උතුරු නැගෙනහිර පළාත් වලින් හමුදාව ඉවත් කරණ ලෙස ඉල්ලමින් මෙම හර්තාලය ක්රියාත්මක කිරීමට තීරණය කොට තිබුණි
දේශපාලන වාසි ලබා ගැනීම සඳහා කරුණු විකෘති කරමින් හමුදාවත් රජයත් අපහසුතාවයට පත් කරන මෙම විරෝධතාවය පසුපස ඇති තත්ත්වය තේරුම් ගන්නා ලෙස ඊයේ ( 17) ජනතාවගෙන් ඉල්ලා සිටියේය.
