සූරියවැව නුවන් ජයසේකර –
නිට්ටඹුවේ සිට මොනරාගල දක්වා ගමන් කරමින් තිබූ වෑන් රථයක් මාතර මොණරාගල ප්රධාන මාර්ගයේ තණමල්විල කිතුල්කොටේ ප්රදේශයේදි පාර මාරුවෙමින් සිටි වන අලියෙකු ගැටීමෙන් ඊයේ (18) අළුයම අනතුරක් සිදුව ඇතැයි තණමල්විල පොලිසිය පවසයි.
මෙලෙස අනතුරට ලක්ව ඇත්තේ නිට්ටඹුව සිට මොනරාගල ප්රදේශයට යමින් සිටි පිරිසක් රැගත් වෑන් රථයකි. අනතුර සිදුවන අවස්ථාව වන විට වෑන් රථයේ 06 දෙනෙකු සිට ඇති අතර ඔවුන් සුළු තුවාල ලබා තිබේ.
උදෑසන 05ට පමණ තණමල්විල කිතුල්කොටේ ප්රදේශයෙන් පාර මාරුවෙමින් සිටි වන අලියෙකුගේ ගැටීමෙන් මෙම අනතුර සිදුව තිබේ. අනතුරින් වන අලියාද මහ මාර්ගය මැද ඇද වැටී ඇති අතර වෑන් රථයටද දැඩි අලාභහානි සිදුව තිබේ.
වෑන් රථයේ ගැටීමෙන් මහා මාර්ගය මැද ඇද වැටුණු අලියා යළිත් නැගිට කැලය දෙසට දිව ගොස් තිබේ. අනතුර සම්බන්ධයෙන් තණමල්විල මුලස්ථාන පොලිසිය හා තණමල්විල වනජීවී නිළධාරීන් විමර්ශනයක්ද ආරම්භ කර ඇත.
වාහනයේ ගැටුණු වන අලියාට ප්රථිකාර කිරීමට අවශ්යද යන්න සොයා බැලීම සඳහා කැලයට ගිය වන අලියා සොයා මේ වන විට වනජිවි නිළධාරීන්ද විශේෂ මෙහෙයුමක් ආරම්භ කර තිබේ.
ගම්මුන් පවසන්නේ නිසි පරිදි විදුලි වැටක් නොමැති විමත් වන අලින්ට ඉන්නට තිබෙන කැලෑ ජාවාරම් කරුවන්ගේ අතට පත් වීමත් නිසා වන අලි ගම් වැදිමට පටන් ගෙන ඇති බවයි.රාත්රි කාලයට ගම් වදින වන අලි අළුයම් කාලයේ කැලයට යන විට මෙවැනි අනතුරු වලට මුහුණ දිමට සිදුව ඇති බවයි.
මේ ගැටලුව සම්බන්ධයෙන් නිළධාරීන් දැනුවත් කර ඇති නමුත් මේ වන තුරුත් මෙම වන අලි ගැටලුවට කිසිදු බළධාරියෙකු මේ වනතුරුත් නිසි වැඩපිළිවෙළක් සකස් කර නොමැති බව ජනතාව පෙන්වා දෙයි.
