මනම්පිටිය නිමල් ජයරත්න –
ඉඩෝරය හමුවේ වැලිකන්ද කුරුළුබැද්ද ගම්මානයට, මීට දින කිහිපයකට පෙර බීමට ජලය සොයා ආ වල් ඌරෙකුට එම ගම්මානයේ මිනිසෙකු විසින් පොල්ලකින් පහර දී අබාධිත තත්ත්වයට පත් කළ පසු වැලිකන්ද වනජීවී නිලධාරීන් විසින් මේ දිනවල ආහාර සහ ජලය ලබාදී ඌට ප්රතිකාර කටයුතු කරමින් සිටිති,
වැලිකන්ද වනජීවී කාර්යාලයේ අඩවි ආරක්ෂක කේ, ඩී, ජනක සඳහන් කළේ මෙම වල් ඌරා බීමට ජලය සොයා පැමිණීමේදී පොල්ලකින් පහරදී ඌ මරා මස් කිරීමට එම පුද්ගලයා උත්සාහ දරා ඇති බවයි.
පසුව සැකකාර පුද්ගලයා අත්අඩංගුවට ගෙන අධිකරණයට ඉදිරිපත් කර තිබේ.
ආබාධිත තත්ත්වයට පත් වල් ඌරාට අවශ්ය ප්රතිකාර කටයුතු ගිරිතලේ වන ජීවී පශු වෛද්ය කාර්යාලය මගින් ලබාදීමෙන් පසුව වැඩිදුර ප්රතිකාර කටයුතු සහ අවශ්ය ආහාරපාන ලබාදීමට වැලිකන්ද පිහිටි වනජීවි කාර්යාල ගෙනැවිත් ඌ රැකබලා ගන්නා බවද ඔහු කීවේය,
අවුරුදු හතරක් පමණ වයසැති එම වල් ඌරා සුව වනතුරු රැකබලා ගන්නා බවත්, ඇවිදීමට හැැකි අවස්ථාවකදී එ රක්ෂිතයට නිදහස් කිරීමට අවශ්ය කටයුතු , සැලසුම් කරන බවද අඩවි ආරක්ෂකවරයා සඳහන් කළේය,
