ශ්රි ලංකාවේ ණය ප්රතිව්යුහගතකරණයට අවශ්ය කෙටි කාලීන සහයෝගය මේ වනවිටත් චීනය සිය එක්සිම් බැකුව ( ආනයන සහ අපනයන බැංකුව) හරහා ලබා දී ඇති බවත් වසර දෙකක කාලයක් තුළ ශ්රි ලංකාවට ද්වීපාර්ශ්වික ණයවලින් පොලිය සහ ගෙවිය යුතු මූලික වාරිකය ගෙවීමේ අවශ්යතාවක් නැති බවත් චීනය අවධාරණය කරයි.
2022 සහ 2023 වසරවල පවතින ණය ගෙවීම් පීඩනය සමනය කර ගැනිමට එම සහනය ඉවහල් වනු ඇති බව ඉදිරියේදී මධ්ය සහ දිගු කාලීනව ශ්රි ලංකාව සම්බන්ධයෙන් කටයුතු කරන ආකාරය චීන එක්සිම් බැංකුව ශ්රි ලංකාව සමඟ සාකච්ඡා කර තීරණය කරනු ඇති බවත් චීන විදේශ අමාත්යංශ ප්රකාශක වැන්ග් වෙන්බින් පවසයි.
කෙසේ වුවද ශ්රි ලංකාවට සහනයක් ලබා දීම සඳහා ණය ලබා දුන් ආයතන සහ රටවල් සඟ එක්ව ක්රියා කිරීමට චීනය කටයුතු කරන බවත් ඔහු තවදුරටත් සඳහන් කර තිබේ.
චීන විදේශ අමාත්යංශ ප්රකාශකයා මේ බව සඳහන් කළේ මේ වනවිට ඇමෙරිකාවේදී පැවැත්වෙන ජාත්යන්තර මූල්ය අරමුදල් වසන්ත රැස්වීමට සමගාමීව ජපානය ඉන්දියාව සහ ප්රංශය එක්ව ඉදිරි ණය ප්රතිව්යූහගතකරණ වැඩ පිළිවෙළ පිළිබඳව ප්රකාශ කිරීමේදි ඔවුන් චීනය පිළිබිඳවද කළ සඳහනට ප්රතිචාර දක්වමිනි.
මේ අතර ජාත්යන්තර මූල්ය අරමුදල ප්රකාශ කළේ මේ දිනවල සිදුවෙමින් පවතින ශ්රි ලංකාව් ණය ප්රතිව්යූහගතකරණ වැඩපිළිවෙළට එම අරමුදල සෘජුව සම්බන්ධ නොවන බවයි.
එම අරමුදලේ ආසියා සහ පැසිෆික් කලාපය භාර අධ්යක්ෂ ක්රිෂ්නා ශ්රීනිවාසන් පවසන්නේ 2023 සිට 2027 දක්වා කාලය තුළ ශ්රි ලංකාවේ ගෙවුම් ශේෂය වන ඩොලර් බිලියන 24 ක ප්රමාණය අදාළ ණය සහනය වැඩපිළිවෙළ තුළින් බිලියන 17ක් පමණ අඩු කිරීමට හේතු වන බවය.
කෙසේ වුවද මෙම ණය ප්රතිව්යූහගතකරණය පිළිබඳව තීරණය කරන්නේ අදාළ ණය හිමි රටවල්, ආයතන සහ ශ්රි ලංකාව බවද ඔහු සඳහන් කළේය
