දැලිවල කොටවෙහෙර විහාර මන්දිරය කඩා ලෝක උරුමයක් සොරකම් කිරීමේ නින්දිත අපරාධය පසුපස එම විහාර වාසීන්ගේ සම්බන්ධයක් ඇතිදැයි මේ වනවිට සැක පහළ වී තිබේ.
විමර්ශකයන් පවසන්නේ එම උත්තුංග විශ්වීය උරුමය තැන්පත් කර තිබී ඇති අනාරක්ෂිත ස්වරූපයත්, එම අමිල උරුමය තැන්පත් කර තිබූ ධාතු මන්දිරයට ඇතුළුවීම සඳහා අපරාධකරුවන් ජනෙල් පියනක් හෝ කඩා නැති ආකාරයත් පිළිබඳ ඔවුන්ගේ විශේෂ අවධානය යොමු වී ඇති බවය.
කොලල්කරුවන් විහාරස්ථානයේ සී.සී.ටී.වී පද්ධතිය ක්රියා විරහිත බව දැනගෙන සිටීම, විහාරස්ථානයේ නායක හිමියන් එම භූමියේ නොමැති බව දැන සිටීම වැනි කරාණා ද මෙහිදී අවධානයට යොමු වී තිබේ.
මෙම කරඬු මින් පෙර තැන්පත් කර තිබී ඇත්තේ සේප්පු දෙකකය. එම සේප්පු පුරාවිද්යා දෙපාර්තමේන්තුව විසින් පන්සලට ලබා දී තිබී ඇත. එම සේප්පුව තනිව විහාරාධිකාරී හිමිවරුන්ට විවෘත කිරීමට නොහැකි සේ යතුරක් දායක සභාව සතුව තිබූ බවත් තතු දත් ආරංචි මාර්ග ලංකාසරට පැවසුවේය.
එහෙත් පසු කාලයක මේ පුරාවස්තු කිසිම පුරාවිද්යා නිලධාරියෙකුගෙන් නොවිමසා මෙසේ අනාරක්ෂිතව තැබුවා පමණක් නොව, මේ සඳහා තාක්ෂණිකව ආවරණය වන ආරක්ෂක වැඩපිළිවෙළක් සකස් කර පවත්දවා ගැනීමට ද මෙම සංඝයා වහන්සේ අපොහොසත් වී ඇති බව හෙළි වී ඇත. මෙම ස්ථානයට නිශ්චිත ආරක්ෂකයෙක් හෝ රඳවා තිබී නැත.
පුරාවිද්යා බලධාරීන් විසින් අවස්ථා ගණනක දී මෙම උරුමය තමන් සන්තක කරගැනීමට උත්සාහ කළ ද මෙම හිමිනම ඊට එරෙහි වී ඇතැයි ද ප්රදර්ශනයකට හෝ රැගෙන ගොස් පෙන්වීමට ඇති ඉඩකඩ අහුරා ඇතැයි ද වාර්තා වේ.
මේ සම්බන්ධව පුරාවිද්යා අධ්යක්ෂ ජනරාල් මහාචාර්ය අනුර මනතුංගගෙන් කළ විමසීමකදී ඔහු ප්රකාශ කළේ පොලිස් පරීක්ෂණ නිම වූ පසු ඉතිරි වී ඇති කරඬු සඳහා ගත හැකි ඉදිරි ක්රියාමාර්ගය තීරණය කරන බවය.
මෙසේ කොල්ල කා තිබුණේ බෞද්ධ ඉතිහාසයේ ආරක්ෂා වී තිබූ විශිෂ්ටම පෞරාණික දාගැබ් අනුරුව බවත් මිහිඳු හිමියන් ජීවමානව වැඩ සිටි වකවානුවේ දී දෙවනපෑතිස් රජුගේ ලෝකුරුවන් විසින් කළ බවට ඓහිතාහිසිකව සනාථ වී ඇති මේ දාගැබ් අනුරූ කරඬුව මේ තරම් විශිෂ්ට ලෙස ආරක්ෂා වී තිබුණු ලෝකයේ එකම කරඬුව බවත් පුරාවිද්යා දෙපාර්තමේන්තු ආරංචි මාර්ග සනාථ කරයි.
මේ වනවිට විශේෂ පොලිස් කණ්ඩායම් දෙකක් යොදවා මෙම අපරාධය සම්බන්ධව විමර්ශන ක්රියාත්මක වෙමින් තිබේ.
කියවන්න…
දැලිවල කොටවෙහෙරේදී ලෝක උරුමයක් කොල්ල කෑ හොරු ගැන තොරතුරු නෑ… පොලිසිය ජනතා සහය පතයි!
